ଭୁବନେଶ୍ୱର (ଏଟିଆର ବ୍ୟୁରୋ); ସବୁଠାରୁ ଲୋକପ୍ରିୟ ଶୋ’ ଦ କପିଲ ଶର୍ମା ଶୋରେ ଯୋଗ ଦେଇଛନ୍ତି ଦୌଡରାଣୀ ଦୂତି ଚାନ୍ଦ । ଏହି ଶୋରେ କପିଲ ତାଙ୍କୁ ଡାକିଥିବାରୁ ଦୂତି ତାଙ୍କୁ ଧନ୍ୟବାଦ ଜଣାଇଛନ୍ତି । ତେବେ ଏହି ଶୋରେ ପୂର୍ବରୁ କେହି ଓଡିଆ ଭାଗ ନେଇନଥିଲେ । ଦୂତି ପ୍ରଥମ ମହିଳା ଭାବରେ ଯୋଗ ଦେଇଛନ୍ତି । ଦୂତି ନିଜର ଫେସବୁକ ଆଇଡିରେ କପିଲଙ୍କ ସହ ଫଟୋ ପୋଷ୍ଟ କରିଛନ୍ତି ।
ଦୂତିଙ୍କ ସହିତ ଏହି ଶୋରେ ଭାରତୀୟ ଫୁଟବଲ ଦଳର କିମ୍ବଦନ୍ତୀ ଖେଳାଳି ବାଇଚୁଙ୍ଗ ବୁତିଆ ଏବଂ ହକି ଖେଳାଳି ସନ୍ଦିପ ସିଂହ ମଧ୍ୟ ଯୋଗ ଦେଇଥିଲେ । ସମସ୍ତଙ୍କ ସହ ଫଟୋ ଉଠାଇଛନ୍ତି ଦୂତି । ଯାହାକୁ ସେ ନିଜ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ସୋନି ଟିଭିରେ ପ୍ରସାରିତ ହେଉଥିବା କମେଡି ଶୋ ‘ଦ କପିଲ ଶର୍ମା ଶୋ’ର ହୋଷ୍ଟ ହେଉଛନ୍ତି କପିଲ। ଏହି ଶୋରେ ଦୂତୀ କ’ଣ ପାଇଁ ଯୋଗ ଦେଇଛନ୍ତି ତାର ସୂଚନା ମିଳିନାହିଁ । ତେବେ କପିଲ ଦୂତୀଙ୍କୁ ତାଙ୍କ ଶୋ’କୁ ନିମନ୍ତ୍ରଣ କରିଥିବାରୁ ଦୂତୀ କପିଲଙ୍କୁ ଧନ୍ୟବାଦ ଜଣାଇଛନ୍ତି।
ସୂଚନାଯୋଗ୍ୟ,ଓଡିଆ ଝିଅ ଦୂତି ଭାରତ ପାଇଁ ପ୍ରତିନିଧିତ୍ୱ କରି ଦୌଡରେ ବହୁ ପୁରଷ୍କାର ପାଇଛନ୍ତି । ଏସିଆନ ଗେମରେ ସ୍ୱର୍ଣ୍ଣ ଏବଂ ରୌପ୍ୟ ପଦକ ମଧ୍ୟ ହାତେଇଛନ୍ତି । ତେବେ ନିକଟରେ ସେ ସମଲିଙ୍ଗୀ ସମ୍ପର୍କରେ ଥିବା ଗଣମାଧ୍ୟମ ସାକ୍ଷାତକାରରେ କହିଥିଲେ । ଯାହାକୁ ନେଇ ଚର୍ଚ୍ଚା ଜୋର ଧରିଥିଲା । ବଡ ଭଉଣୀ ସରସ୍ୱତୀଙ୍କ ମଧ୍ୟ ଭିଲିଆନ କହିଥିଲେ ଦୂତି ।
