ନବରଙ୍ଗପୁର (ଏଟିଆର ବ୍ୟୁରୋ); ଭାରସାମ୍ୟ ହରାଇ ଓଲଟି ପଡିଲା ଚିପ୍ସ ବୋଝେଇ ଟ୍ରାକ୍ଟର । ଟ୍ରଲି ତଳେ ଚାପି ହୋଇ ଚାଲିଗଲା ଶ୍ରମିକଙ୍କ ଜୀବନ । ନବରଙ୍ଗପୁର ଜିଲ୍ଲା ଝରିଗାଁ ବ୍ଳକ ଚିତାବେଡା ଗାଁରେ ଘଟିଛି ଏଭଳି ଦୁଃଖଦ ଘଟଣା । ମୃତ ଶ୍ରମିକ ହେଲେ ଖେମରାଜ ଭତ୍ରା । ତାଙ୍କ ଘର କରମରି ଗାଁରେ ବୋଲି ଜଣା ପଡିଛି । ଖବର ପାଇ ପୋଲିସ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି ।
ମିଳିଥିବା ସୂଚନା ମୁତାବକ,ରବିବାର ସକାଳେ ଟ୍ରାକ୍ଟରରେ ଚିପ୍ସ ନେଇ ଆସୁଥିବା ବେଳେ ଚିତାବେଡା ନିକଟରେ ଭାରସାମ୍ୟ ହରାଇ ଦୁର୍ଘଟଣା ହୋଇଥିଲା । ଚିପ୍ସ ଉପରେ ବସିଥିବା ଖେମରାଜଙ୍କ ଉପରେ ଟ୍ରଲିଟି ଖସି ପଡିଥିଲା । ସ୍ଥାନୀୟ ଲୋକ ସଙ୍ଗେ ସଙ୍ଗେ ଦୌଡି ଆସି ଉଦ୍ଧାର କରିବା ପାଇଁ ଚେଷ୍ଟା କରିଥିଲେ । କିନ୍ତୁ ସେତିକି ବେଳକୁ ସବୁକିଛି ସରିଯାଇଥିଲା । ଖେମରାଜଙ୍କ ମୃତ୍ୟୁ ହୋଇଥିଲା ।
ଖେମରାଜଙ୍କ ଉପରେ ଚିପ୍ସ ଏତେ ମାତ୍ରାରେ ପଡିଥିଲା କି ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ପରିବାର ଲୋକ ଖବର ପାଇବା ପରେ ଘଟଣାସ୍ଥଳରେ ପହଁଞ୍ଚି କାନ୍ଦ ବୋବାଳି ଛାଡିଥିଲେ । ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଁଞ୍ଚି ମୃତଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି । ପରିବାର ଲୋକ କ୍ଷତି ପୂରଣ ପାଇଁ ଦାବୀ କରିଛନ୍ତି ।
