ବାଲେଶ୍ୱର (ଏଟିଆର ବ୍ୟୁରୋ); ଭାଉଜ ପ୍ରେମ ମିଠା ମିଠା । ଏଡି ଗୀତଟି ଯେତେ ଜୋରରେ ଭାଇରାଲ ହୋଇଥିଲା ସେହି ତୁଳନାରେ ଦିଅରମାନେ ଫାଇଦା ନେବା ପାଇଁ ଚେଷ୍ଟା ଜାରି ରଖିଥିଲେ । ତେବେ ଏମିତି ଜଣେ ଯୁବକ ରାତି ଅଧରେ ଗାଁର ଜଣେ ମହିଳାଙ୍କ ଘରେ ପଶିବାକୁ ଯାଇ ନାମ ନେଇଛନ୍ତି । ଗାଁଲୋକ ଧରି ପକାଇ ଗଛରେ ବାନ୍ଧି ଉତ୍ତମ ମଧ୍ୟମ ଦେଇଥିଲେ । ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ କୁପାରୀ ଅଞ୍ଚଳରେ ଦେଖିବାକୁ ମିଳିଛି ଏଭଳି ଘଟଣା ।
ଗତ ୭ ତାରିଖରେ କୁପାରୀ ଅଞ୍ଚଳର ଜଣେ ଯୁବକ ଗାଁର ମହିଳାଙ୍କ ଘରକୁ ପଶିବା ପାଇଁ ଚେଷ୍ଟା କରୁଥିଲେ । ତେବେ ରାତିରେ ଗାଁଲୋକ ଉଠି ପଡିଥିଲେ । ଯୁବକଙ୍କୁ ଗାଁର ମହିଳାମାନେ ଧରି ଝାଡୁରେ ମାଡ ମାରିଥିଲେ । ଏହାପରେ ତାଙ୍କୁ ଗଛରେ ବାନ୍ଧି ନିର୍ଦ୍ଧୁମ ମାଡ ମାରିଥିଲେ । ରାତିରେ ଯୁବକଙ୍କୁ ମାଡ ମାରିଥିବା ଭିଡିଓ ଗାଁର କିଛି ଯୁବକ ଉଠେଇଥିଲେ । ଯାହାକି ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସ୍ଥାନୀୟ ଅଞ୍ଚଳରେ ମୋବାଇଲରୁ ମୋବାଇଲ ଘୁରି ବୁଲୁଛି ଭିଡିଓ । ତେବେ ପୋଲିସରେ କେହି ଅଭିଯୋଗ କରି ନାହାଁନ୍ତି ।
