ମୁମ୍ବାଇ (ଏଟିଆର ବ୍ୟୁରୋ): ଇଣ୍ଟରନାସନାଲ କ୍ରିକେଟରୁ ସନ୍ନ୍ୟାସ ନେବା ପରଠାରୁ ଲଗାତର ଭାବେ ଚର୍ଚ୍ଚାରେ ଅଛନ୍ତି କ୍ରିକେଟର ଯୁବରାଜ ସିଂହ । କ୍ରିକେଟର୍ସ ଠାରୁ ନେଇ ବଲିଉଡ କଳାକାର ପର୍ଯ୍ୟନ୍ତ ସମସ୍ତେ ନିଜ ନିଜର ଢଙ୍ଗରେ ଯୁବରାଜ ସହିତ ତାଙ୍କ ଭାବନାକୁ ବ୍ୟକ୍ତ କରିଛନ୍ତି ।
ସେପଟେ ପରିବାରଠାରୁ ନେଇ ବନ୍ଧୁ ପର୍ଯ୍ୟନ୍ତ ସମସ୍ତେ ଯୁବରାଜଙ୍କ ସହିତ ଛିଡା ହୋଇଛନ୍ତି । ଇତି ମଧ୍ୟରେ ଯୁବରାଜଙ୍କ ଏକ ପୁରୁଣା ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ମସ୍ତି କରୁଥିବାର ନଜର ଆସୁଛନ୍ତି । ଭିଡିଓଟି ଯୁବାରାଜ ତାଙ୍କ ଇଂଷ୍ଟାଗ୍ରାମରେ ଫେବୃଆର ମାସରେ ପୋଷ୍ଟ କରିଥିଲେ । ସେଥିରେ ତାଙ୍କୁ ଶକ୍ତି କପୁରଙ୍କ ସହିତ ଦେଖିବାକୁ ମିଳିଥିଲା ।
ଏଥିରେ ଶକ୍ତି କପୁର ଯୁବରାଜଙ୍କୁ କହୁଛନ୍ତି କି ସେ ତାଙ୍କର ସେହି ଘଡିକୁ ଅପେକ୍ଷା କରିଛନ୍ତି ଯେବେ ସେ ପୁଣି ଥରେ ୬ ବଲ୍ ରେ ଛକା ମାରିବେ । ଏହାପରେ ଯୁବରାଜ କହୁଛନ୍ତି କି ଶକ୍ତି ତୁମ ଫିଲ୍ମର ଏକ ଫେମସ ଡାଈଲଗ କହି ଶୁଣାଅ ତେବେ ଶକ୍ତି କହିଛନ୍ତି ଆଓ ଲୋଲିତା ।
ଅନ୍ୟପଟେ ଯୁବରାଜଙ୍କ ଘନିଷ୍ଟ ବନ୍ଧୁ ନେହା ଧୂପିଆ ବି ତାଙ୍କ ସହିତ ଥିବା ଅନେକ ଫଟୋ ସେୟାର କରି ଏକ ଇମୋସନାଲ ପୋଷ୍ଟ ସେୟାର କରିଛନ୍ତି । ଯେଉଁଥିରେ ନେହା ଲେଖିଛନ୍ତି କି ଆମେ ତୁମକୁ ଖେଳ ମଇଦାନରେ ମିସ୍ କରିବୁ କିନ୍ତୁ ମୋର ବନ୍ଧୁ ତୁ ସବୁବେଳେ ମୋ ହିରୋ ଏବଂ ରିହିବୁ ବି ।
ଖବରମୁତାବକ, ଦୀର୍ଘ ୧୭ ବର୍ଷ ଲମ୍ବ ଯାତ୍ରା ପରେ ଯୁବରାଜ ସିଂହ ସୋମବାର ଦିନ କ୍ରିକେଟରୁ ସନ୍ୟାସ ନେଇଛନ୍ତି । ଗୋଟେ ଓଭରର ଛଅଟି ବଲ୍ ରେ ଛକା ମାରି ସାରା ଦୁନିଆରୁ ୱାଃ ୱାଃ ସାଉଣ୍ଟି ଥିଲେ ଯୁବରାଜ । ଯଦି ତାଙ୍କୁ କୌଣସି ମ୍ୟାଚ୍ ପାଇଁ ମନେ ପକାଯାଏ ତେବେ ତାହା ହେଉଛି ନେଟୱେଷ୍ଟ ସିରିଜ୍ ର ଫାଇନାଲ । ହୁଏତ ସେଥିପାଇଁ ଯୁବରାଜଙ୍କୁ ମନେ ପକାଇବା ପାଇଁ ବିସିସିଆଇ ପକ୍ଷରୁ ଏହି ଭିଡିଓ ସେୟାର କରାଯାଇଛି ।
