ସାଉଥମ୍ପଟନ (ଏଟିଆର ବ୍ୟୁରୋ); ବିଶ୍ୱକପର ୧୯ତମ ମ୍ୟାଚରେ ଇଂଲଣ୍ଡକୁ ଭେଟିବ ୱେଷ୍ଟ ଇଣ୍ଡିଜ । ସାଉଥମ୍ପଟନରେ ଆଜିର ମ୍ୟାଚଟି ଅନୁଷ୍ଠିତ ହେବ । ଦୁଇ ଦଳର ଅଲରାଉଣ୍ଡମାନେ ଦମଦାର ଫର୍ମରେ ଅଛନ୍ତି । ଏଣୁ ମ୍ୟାଚଟି ସଂଘର୍ଷପୂର୍ଣ୍ଣ ହେବ ବୋଲି ଆଶା କରାଯାଉଛି । ଇଂଲଣ୍ଡ ତିନୋଟି ମ୍ୟାଚ ଖେଳି ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ରହିଥିବା ବେଳେ ୱେଷ୍ଟ ଇଣ୍ଡିଜ ଷଷ୍ଠ ସ୍ଥାନରେ ରହିଛି । ଆଜିର ମ୍ୟାଚଟି ଭାରତୀୟ ସମୟ ୩ଟାରେ ଆରମ୍ଭ ହେବ ।
ଘରୋଇ ମାଟିରେ ମ୍ୟାଚ ଖେଳୁଥିବାରୁ ଇଂଲଣ୍ଡର ପଲ୍ଲା ଭାରି ରହିବ ବୋଲି ଅନୁମାନ କରାଯାଉଛି । ତେବେ ଇଣ୍ଡିଜ ଖେଳାଳିମାନେ ସବୁକିଛି ଅସମ୍ଭବକୁ ମଧ୍ୟ ସମ୍ଭ କରାଇବାର ତାକତ ରହିଛି । ଏଣୁ ଏହି ମ୍ୟାଚ ଉପରେ ସମସ୍ତଙ୍କ ନଜର । ଇଂଲଣ୍ଡ ତିନୋଟି ମ୍ୟାଚରୁ ଦୁଇଟି ବିଜୟ ହୋଇଥିବା ବେଳେ ଗୋଟିଏ ହାରିଛି । ସେହିପରି ଇଣ୍ଡିଜ ୩ଟି ମ୍ୟାଚରୁ ଗୋଟିଏ ଜିତିଥିବା ବେଳେ ଗୋଟିଏ ହାରିଛି । ଅନ୍ୟଏକ ମ୍ୟାଚ ବାତିଲ ହୋଇଯାଇଛି ।
ଇଂଲଣ୍ଡର ପ୍ରାରମ୍ଭିକ ବ୍ୟାଟ୍ସମ୍ୟାନମାନେ ଦମଦାର ଫର୍ମରେ ରହିଛନ୍ତି । ରଏ,ବେୟାରଷ୍ଟ, ରୁଟ ଏବଂ ମରଗାନଙ୍କ ଉପରେ ଦଳ ନିର୍ଭର କରିବ । ସେହିଭଳି ୱେଷ୍ଟ ଇଣ୍ଡିଜ ଗେଲ ଏବଂ ରସେଲଙ୍କ ଉପରେ ଅଧିକ ଭରଷା ରଖିବ । ଜଣେ ପ୍ରଥମରୁ ତୋଫାନ କରୁଥିବା ବେଳେ ଅନ୍ୟ ଜଣେ ଶେଷ ସମୟରେ ମୁଣ୍ଡି ମାରିବ । ତେବେ ବର୍ଷା ଆଜିର ମ୍ୟାଚରେ ମଧ୍ୟ ବାଧକ ସାଜିପାରେ ବୋଲି ଅନୁମାନ କରାଯାଉଛି । ପୂର୍ବରୁ ଚାରୋଟି ମ୍ୟାଚ ଏଭଳି ବର୍ଷା ପାଇଁ ବାତିଲ ହୋଇଛି ।
