ଭୁବନେଶ୍ୱର (ଏଟିଆର ବ୍ୟୁରୋ); ଦୀର୍ଘ ୬ବର୍ଷ ପରେ ପୁଣିଥରେ ରିଲରେ ଏକାଠି ହେବାକୁ ଯାଉଛନ୍ତି ଝିଲ୍ଲିକ ଏବଂ ଅମ୍ଳାନ । ଏହି ଦୁଇ ଯୋଡି ଏକା ସାଙ୍ଗରେ ଓଡିଉଡରେ ଡେବ୍ୟୁ କରିଥିଲେ । ପ୍ରଥମ ଫିଲ୍ମରୁ ଦର୍ଶକଙ୍କୁ ମତଆଲା କରିଥିଲେ । କିନ୍ତୁ ଦୀର୍ଘ ୬ ବର୍ଷ ବିତିଯାଇଥିଲେ ସୁଦ୍ଧା ଉଭୟ ଏକାଠି କାମ କରି ନାହାଁନ୍ତି । ୨୦୧୩ ମସିହାରେ ‘ଟାର୍ଗେଟ’ ଫିଲ୍ମରେ ଉଭୟ ନଜର ଆସିଥିଲେ ।
ଏବେ ଝିଲ୍ଲିକ ଏବଂ ଅମ୍ଳାନ ଆଉ ଏକ ନୂଆ ଫିଲ୍ମରେ ନଜର ଆସିବେ । ଯାହାକ ଯେଉଁ ଫିଲ୍ମର ନାମ ରହିଛି ‘ବାଜିବଲୋ ସାହାନାଇ’ । ଏହି ଫିଲ୍ମର ନିର୍ଦ୍ଦେଶନା ଇଂ ଆଶୁତୋଶ ମହାପାତ୍ର । ପ୍ରଯୋଜନା ଭାର ସମ୍ଭାଳିଛନ୍ତି ଜନ୍ମେଜୟ ଡୋଗ୍ରା । ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ତାପସ ଦାଶ ଏବଂ ଅମୃତାଂଶୁ ପଟ୍ଟନାୟକ । ନୂଆ ଟିମ ସହ ପୁଣୁଣା ଯୋଡି କାମ କରିବେ । ତେବେ ଏହି ଫିଲ୍ମରେ ଅମ୍ଳାନଙ୍କ ସହ ସମ୍ଭିତ ମଧ୍ୟ ନଜର ଆସିବେ ।
ତ୍ରିକୋଣୀୟ ପ୍ରେମକୁ ନେଇ ରଚନା ହୋଇଛି ଏହି ଫିଲ୍ମ । ଏଡି ଫିଲ୍ମରେ ଭେଟେରିଆନ ଆକ୍ଟର ରାଇମୋହନ ପରିଡା ଏବଂ କମେଡି କିଙ୍ଗ ଜୟୀରାମ ସାମଲ ମଧ୍ୟ ଅଛନ୍ତି । ଇତି ମଧ୍ୟରେ ଫିଲ୍ମର ମହୁରତ ହୋଇ ସାରିଛି । ଓଡିଶାର ଅଗଣିତ ଦର୍ଶକଙ୍କ ମନମୋହିବା ପାଇଁ ଏହି ଫିଲ୍ମର ସବୁ କର୍ମୀ ମନପ୍ରାଣ ଦେଇ କାମ କରୁଥିବା ପ୍ରଜୋଜନା ସଂସ୍ଥା ପକ୍ଷରୁ ସୂଚନା ମିଳିଛି । ତେବେ ଟାର୍ଗେଟ ଭଳି ଏହି ଫିଲ୍ମରେ ଅମ୍ଳାନ ଏବଂ ଝିଲ୍ଲିକଙ୍କୁ କେମିତି ଗ୍ରହଣ କରୁଛନ୍ତି ଦର୍ଶକ ତାଉପରେ ସମସ୍ତଙ୍କ ନଜର ।
