ନୂଆଦିଲ୍ଲୀ (ଏଟିଆର ବ୍ୟୁରୋ); ପାକିସ୍ତାନ ଦଳର କିମ୍ବଦନ୍ତୀ ଦୃତ ବୋଲର ଅଖତର ଭାରତକୁ ନିବେଦନ କରିଛନ୍ତି । ସେ କହିଛନ୍ତି କି ଭାରତ ଯଦି ପାକିସ୍ତାନକୁ ସାହାର୍ଯ୍ୟ କରେ ତେବେ ଆମେ ସେମିଫାଇନାଲ ଖେଳିବୁ । ପାକିସ୍ତାନର ଆଉ ମାତ୍ର ଦୁଇଟି ମ୍ୟାଚ ବାକି ରହିଛି ତେବେ ଏହି ଦୁଇଟି ମ୍ୟାଚ ଜିତିଲେ ଦଳ ସେମିଫାଇନାଲର ନିକଟତର ହେବ । ଶେଷ ଦୁଇଟି ମ୍ୟାଚ ଆଫଗାନିସ୍ତାନ ଏବଂ ବାଲାଂଦେଶ ସହ ଖେଳିବ ପାକିସ୍ତାନ ।
ପାକିସ୍ତାନ ପଏଣ୍ଟ ଟେବୁଲର ପଞ୍ଚମ ସ୍ଥାନରେ ରହିଛି । ତେବେ ସେମି ଆଶାରେ ରହିଛି ଆୟୋଜନ ଇଂଲଣ୍ଡ । ଦଳର ବାକିଥିବା ଦୁଇଟି ଯାକ ମ୍ୟାଚ ବହୁତ କଷ୍ଟ ସାଧ୍ୟ ରହିଛି । କାରଣ ଭାରତ ଏବଂ ନ୍ୟୁଜିଲାଣ୍ଡକୁ ଭେଟିବ ଇଂଲଣ୍ଡ । ଭାରତ ଏବଂ ନ୍ୟୁଜିଲାଣ୍ଡ ଏବେ ଭଲ ଫର୍ମରେ ଅଛନ୍ତି ଏଣୁ ଇଂଲଣ୍ଡ ସେମାନଙ୍କଠାରୁ ହାରିବ ବୋଲି ସେ କହିଛନ୍ତି । ଭାରତ ଯଦି ଇଂଲଣ୍ଡକୁ ହରାଏ ତେବେ ଆମେ ନିଶ୍ଚିନ୍ତ ଭାବରେ ବାଲାଂଦେଶ ଏବଂ ଆଫଗାନିସ୍ତାନଠାରୁ ଜିତିବୁ ।
ୟୁଟୁବୁରେ ଏକ ଭିଡିଓ ଜାରି କରି ଏଭଳି କହିଛନ୍ତି ଅଖତର । ତେବେ ସେ କହିଛନ୍ତି କି ପାକିସ୍ତାନ ସେମିଫାଇନାଲ ଗଲେ ଭାରତକୁ ଭେଟିବ । ଏବଂ ପାକିସ୍ତାନ ଭାରତଠାରୁ ହାରିବା ପଣଠାରୁ ଶକ୍ତିଶାଳି ହୋଇ ଯାଇଛି । ଏଣୁ ଆମ ଦଳ ଭାରତକୁ ସେମିରେ ହରାଇବ । ତେବେ ଯେଉଁ ଦଳ ତାଙ୍କୁ ସହଯୋଗ କରିବା ପାଇଁ ନିବେଦନ କରୁଛନ୍ତି ସେହି ଦଳକୁ ହରାଇବାର ସ୍ୱପ୍ନ ଦେଖୁଛି ପାକିସ୍ତାନ ।
