କୋଲକାତା (ଏଟିଆର ବ୍ୟୁରୋ): ଆଜି ବିଶ୍ୱପ୍ରସିଦ୍ଧ ପବିତ୍ର ଘୋଷଯାତ୍ରା । ଏନେଇ ଶ୍ରୀକ୍ଷେତ୍ର ପୁରୀ ଚଳଚଞ୍ଚଳ । କେବଳ ପୁରୀ ନୁହେଁ ଦେଶ ବିଦେଶରେ ଥିବା ଭକ୍ତମାନେ ମଧ୍ୟ ଏହି ପର୍ବ ପାଳନ କରୁଛନ୍ତି । ସେହିପରି କୋଲକତାରେ ବି ରଥ ଯାତ୍ରା ହେଉଛି । ଏଠାରେ ମୁଖ୍ୟମନ୍ତ୍ରୀ ମମତା ବାନାର୍ଜି ଇସ୍କନ ମନ୍ଦିରରେ ପୂଜାର୍ଚ୍ଚନା କରିଛନ୍ତି । ଏହାସହିତ ତୃଣମୂଳ କଂଗ୍ରେସର ନବନିର୍ବାଚିତ ସାଂସଦ ନୁସରତ ଜହାଁ ଏଥିରେ ଅତିଥି ରୂପେ ସାମିଲ ହୋଇଛନ୍ତି । ସେଠାରେ ନୁସରତ ତାଙ୍କ ପତି ନିଖିଲ ଜୈନ୍ ଙ୍କ ସହ ପହଁଚି ମମତା ବାନାର୍ଜିଙ୍କ ସହ ପୂଜାର୍ଚ୍ଚନା କରିଛନ୍ତି ।
ଖବରମୁତାବକ, ଚଳିତ ଲୋକସଭା ନିର୍ବାଚନରେ ଅଭିନେତ୍ରୀ ନୁସରତ ଜହାଁ ତୃଣମୂଳ କଂଗ୍ରେସରୁ ଟିକେଟ ପାଇ ବିଜୟୀ ହୋଇଛନ୍ତି । ଏହାପରେ ତାଙ୍କୁ ନେଇ ବିବାଦ ଆରମ୍ଭ ହୋଇଯାଇଥିଲା । ଏହାର ଜବାବ ମଧ୍ୟ ନୁସରତ ଦେଇଛନ୍ତି । ସେ କହିଛନ୍ତି ମୁସଲମାନ ପରିବାରରେ ମୁଁ ଜନ୍ମ । ମୋତେ ନେଇ ବିବାଦ ବଢି ଚାଲିଛି । କିନ୍ତୁ ମୁଁ ସମସ୍ତ ଧର୍ମ ସମ୍ମାନ କରୁଛି ।
ନିକଟରେ କୋଲକାତାର ନିଖିଲ ଜୈନଙ୍କୁ ନୁସରତ୍ ବିବାହ କରିଥିଲେ । ତାଙ୍କ ବିବାହକୁ ନେଇ ବିବାଦ ମୁଣ୍ଡ ଟେକିଥିଲା । କାରଣ ସେ ଜଣେ ମୁସଲମାନ ହୋଇ ଜୈନ୍ ରୀତି ନୀତିରେ ବିବାହ କରିଥିଲେ ।
