ଜୟପୁର ( ଏଟିଆର ବ୍ୟୁରୋ): ପୋଲିସ ଏନକାଉଣ୍ଟରରେ ଆହତ ଗଞ୍ଜେଇ ମାଫିଆ କାବୁଲ ଖରା । ଟାଉନ ଥାନା ହାତୀଶାଳ ଛକରେ ପୁଲିସ୍ ଏନକାଉଣ୍ଟର କରିଛି କାବୁଲା ଖରାକୁ । ପୋଲିସ ଗୁଳିରେ କାବୁଲର ଡାହାଣ ଗୋଡ଼ରେ ଗୁଳି ବାଜିଛି। ତାକୁ ଜୟପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଆଜି ଭୋର ୫ ଟାବେଳେ ଏହି ଏନକାଉଣ୍ଟର କରାଯାଇଥିଲା ।
ସୂଚନା ମୁତାବକ କାବୁଲା ହାତୀଶାଳ ଛକରେ ରହିଥିବା ପୋଲିସକୁ ବିଶେଷ ସୂତ୍ରରୁ ଖବର ମିଳିବା ପରେ ପୋଲିସ ସେଠାରେ ପହଞ୍ଚି ଥିଲା । ପୋଲିସକୁ ଦେଖି ପ୍ରଥମେ ପୋଲିସ ଉପରକୁ ୨ ରାଉଣ୍ଡ ଗୁଳି ଚଳାଇଥିଲା କାବୁଲା । ଯାହାର ଜବାବରେ ପୋଲିସ ମଧ୍ୟ କାବୁଲା ଉପରକୁ ଗୁଳି ଚଳାଇଥିଲା । ପୋଲିସ ଗୁଳି କାବୁଲାର ଡାହାଣ ଗୋଡ଼ରେ ବାଜିଥିଲା । ତାଠାରୁ ଗୋଟିଏ ପିସ୍ତଲ ସହ ଗୁଳି ଏବଂ ଗୋଟିଏ କାର ଜବତ ହୋଇଛି ।
କାବୁଲା ଖରା ନାମରେ ପୂର୍ବରୁ ଜୟପୁର ଟାଉନ, ଜୟପୁର ସଦର, ବୋରିଗୁମ୍ମା ଓ ନବରଙ୍ଗପୁର ଥାନାରେ ମାମଲା ରହିଛି। କାବୁଲ ରାଜ୍ୟ ବାହାରକୁ ଗଞ୍ଜେଇ ପଠାଉଥିଲା । ଏନେଇ ପୋଲିସ ବହୁତ ଦିନ ହେଲା କାବୁଲାକୁ ଧରିବା ପାଇଁ ଉଦ୍ୟମ ଚଳାଇ ଆସୁଥିଲା । ସ୍ୱାସ୍ଥ୍ୟବସ୍ଥାରେ ଉଦ୍ଧାର ଆସିଲେ ପୁଲିସ ତା ଠାରୁ ଅଧିକ ତଥ୍ୟ ଆଦାୟ କରିବ ବୋଲି ସୂଚନା ମିଳିଛି । କାବୁଲା ଗଞ୍ଜେଇ ବ୍ୟବସାୟ ସହିତ ଅନେକ ଅପରାଧ କାର୍ଯ୍ୟ କଳାପ ସହିତ ଜଡିତ ଥିଲା ।
