ପୁରୀ (ଏଟିଆର ବ୍ୟୁରୋ); ପୁଣି ଅସାନ୍ତ ପୁରୀ । ଦିନ ଦ୍ବିପ୍ରହରରେ ଦୁର୍ବୃତ୍ତଙ୍କ ଆତଙ୍କରାଜ । ଦୁଇ ଜଣ ଯୁବକ ଜେଲ୍ ରୋଡ୍ରେ ସୃଷ୍ଟି କରିଛନ୍ତି ଆତଙ୍କ । ଏହାସହ ସହ ଜଣେ ଯୁବକଙ୍କୁ ଖଣ୍ଡାରେ ହାଣି ଲହୁଲୁହାଣ କରିଛନ୍ତି। ଆହାତ ଯୁବକ ହେଇଛନ୍ତି କୁମ୍ଭାରପଡ଼ା ଥାନା ଜାଇଗଡ଼ ଯାଗା ଅଞ୍ଚଳର ସେକ୍ ସାବ । ତାଙ୍କୁ ଗୁରୁତର ଅବସ୍ତାରେ ଜିଲ୍ଲା ମୁଖ୍ୟ ଚିକିତ୍ସାକୁ ନିଆଯାଇଥିଲା । ସ୍ବାସ୍ଥ୍ୟବସ୍ଥା ସଂକଟାପନ୍ନ ହେବାରୁ ତାଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି।
ଅନ୍ୟପଟେ ଏହି ଘଟଣାକୁ ନେଇ ପୁଲିସ ତଦନ୍ତ ଆରମ୍ଭ କରିଛି। କୁମ୍ଭାରପଡ଼ା ଥାନା ନିକଟରେ ଥିବା ନରେନ୍ଦ୍ରକୋଣ ହରିଜନ ବସ୍ତି ଏବଂ ଜାଇଗଡ଼ ଯାଗା ଅଞ୍ଚଳ ରହିଥିବା ବେଳେ ସେକ୍ଙ୍କୁ କେଉଁ କାରଣରୁ ମରଣାନ୍ତକ ଆକ୍ରମଣ କରାଗଲା ସେ ନେଇ ଛାନ୍ଭିନ୍ ଚଳାଇଛି ପୁଲିସ। ରବିବାର ପୂର୍ବାହ୍ନ ପ୍ରାୟ ୧୧ଟା ସମୟରେ ସେକ୍ ସାବ ସେହି ଅଞ୍ଚଳର ରୋଡ୍ ପାର୍କିଂରେ ବସିଥିଲେ। ଏତିକି ବେଳେ ନରେନ୍ଦ୍ରକୋଣ ହରିଜନ ବସ୍ତିର ମାନସ ଓ ବାଟୁଆ ନାମକ ଦୁଇ ଜଣ ଯୁବକ ଦୁଇଟି ଖଣ୍ଡା ଧରି ସେଠାରେ ପହଞ୍ଚିଥିଲେ। ସେକ୍ ସାବ କିଛି ବୁଝିବା ପୂର୍ବରୁ ତାଙ୍କୁ ଖଣ୍ଡାରେ ଆକ୍ରମଣ କରିଥିବା ସୂଚନା ମିଳିଛି ।
କୌଣସି ପ୍ରକାର ସେକ୍ ନିଜ ଜୀବନ ବଞ୍ଚାଇବାରେ ସମର୍ଥ ହୋଇଥିବା ବେଳେ ଦୁର୍ବୃତ୍ତଦ୍ବୟ ସେଠାରୁ ଫେରାର ହୋଇ ଯାଇଥିଲେ।
