ମୁମ୍ବାଇ ( ଏଟିଆର ବ୍ୟୁରୋ): ବାହୁବଳି ଷ୍ଟାର ପ୍ରଭାସଙ୍କ ଅପକମିଙ୍ଗ ଫିଲ୍ମ “ସାହୋ’’ର ଟ୍ରେଲର ରିଲିଜ ହୋଇ ଯାଇଛି । ମୁମ୍ବାଇ ଅନୁଷ୍ଠିତ ହୋଇଥିବା ଏକ ଇଭେଣ୍ଟରେ ଐହି ପ୍ରତିକ୍ଷିତ ଫ୍ଲିମର ଟ୍ରେଲର ରିଲିଜ ହୋଇଛି । ୨ ମିନିଟ ୪୫ ସେକେଣ୍ଡର ଏହି ଟ୍ରେଲରରେ ପ୍ରଭାସ ଆକ୍ସନ, ଇମୋସନ ଆଉ ରୋମାନ୍ସରେ ନଜର ଆସିଛନ୍ତି । ଯାହାକୁ ଦେଖିବା ପରେ ଦର୍ଶକଙ୍କ ଫ୍ଲିମ ଦେଖିବାର ଇଚ୍ଛା ବଢିଯାଇଛି । ଟ୍ରେଲର ଅନୁସାରେ ସାହୋରେ ପ୍ରଭାସ ଜଣେ ପୁଲିସ ଅଫିସର ଭୂମିକାରେ ଅଭିନୟ କରିଛନ୍ତି । ସେ ୫ ହଜାର କୋଟି ଟଙ୍କାର ଏକ ଚୋରୀ କେସକୁ ହ୍ୟାଣ୍ଡଲ କରୁଛନ୍ତି ।
ସେହିଭଳି ସିନେମାର ନାୟିକା ଚୁଲବୁଲି ଶ୍ରଦ୍ଧା କପୁର ଜଣେ କ୍ରାଇମ ବ୍ରାଞ୍ଚ ଅଫିସର ଭୂମିକାରେ ଆସୁଛନ୍ତି । ପୁରା ଟ୍ରେଲରରେ ଏମିତି କିଛି ଆକ୍ସନର ଝଲକ ଦେଖିବାକୁ ମିଳିଛି । ରୋମାନ୍ସରେ ମଧ୍ୟ ଦୁଇ ଜଣଙ୍କର କେମେଷ୍ଟ୍ରି ଜମୁଛି । ସିନେମାର ନିର୍ଦେଶକ ଓ ପ୍ରଭାସ ଓ ଶ୍ରଦ୍ଧାଙ୍କ ଉପସ୍ଥିତିରେ ଟ୍ରେଲର ରିଲିଜ ହୋଇଛି । ଯୁବ ନିର୍ଦେଶକ ସୁଜିତ ରେଡିଙ୍କ ନିର୍ଦେଶନାରେ ଫ୍ଲିମଟି ନିର୍ମାଣ ହେଉଛି । ତେଲୁଗୁ ଇଣ୍ଡଷ୍ଟ୍ରିରେ ସୁଜିତ ଜଣେ ଯୁବ ନିର୍ଦେଶକ ଭାବେ ଖ୍ୟାତ । ଏକାଧିକ ସର୍ଟ ଫ୍ଲିମରେ ମଧ୍ୟ ତାଙ୍କ ନିର୍ଦେଶନାର ଛାପ ରହିଛି । ସେ ଏକାଧାରରେ ଜଣେ ଲେଖକ ମଧ୍ୟ ।
ଏହି ସିନେମାରେ ଶ୍ରଦ୍ଧା କପୁର ଓ ପ୍ରଭାସଙ୍କ ବ୍ୟତୀତ ଜାକି ସ୍ରଫ, ନିଲ ନିତିନ ମୁକେଶ, ଚଂକି ପାଣ୍ଡେ, ମହେଶ ମାଜେରକର ପ୍ରମୁଖ ଅଭିନୟ କରୁଛନ୍ତି । ସିନେମାଟି ୪ ଟି ଭାଷାରେ ରିଲିଜ ହେବ । ୨୫୦ କୋଟି ଟଙ୍କା ବ୍ୟୟରେ ନିର୍ମାଣ ହୋଇଥିବା ଏହି ସିନେମା ଆସନ୍ତା ଅଗଷ୍ଟ ୩୦ ତାରିଖରେ ପ୍ରେକ୍ଷାଳୟକୁ ଆସିବ ବୋଲି ଜଣା ପଡିଛି ।
