ପୁରୀ ( ଏଟିଆର ବ୍ୟୁରୋ): ପୁରୀ ନବକଳେବର ରୋଡରେ ପୋଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ ଦିବାନା ବେହେରା ଆହତ । ସୂଚନା ଅନୁସାରେ ଗତକାଲି ବିଳମ୍ଭିତ ରାତିରେ ଦିବାନାକୁ ଏନକାଉଣ୍ଟର କରିଛି ପୋଲିସ । ଗତକାଲି ରାତିରେ ପୋଲିସକୁ ଦିବାନା ସମ୍ପର୍କରେ ସୂଚନା ମିଳିବା ପରେ ପୋଲିସ ଦିବାନାକୁ ଗିରଫ କରିବା ପାଇଁ ଆରମ୍ଭ କରିଥିଲା ଯୋଜନା । ପୁରୀ ନବେକଳେବର ରୋଡରେ ଦିବନା ରହିଥିବା ପୋଲିସ ସୂଚନା ପାଇବା ପରେ ପୋଲିସ ସେଠାରେ ପହଞ୍ଚି ଦିବାନାକୁ ଗିରଫ କରିବା ପାଇଁ ଚେଷ୍ଟା କରିବା ବେଳେ ପୋଲିସ ଉପରକୁ ଗୁଳି ଚଳାଇଥିଲା ଦିବାନା ।
ଯାହାର ଯବାବରେ ପାଲଟା ଗୁଳି ଚାଳନା କରିଥିଲା ପୋଲିସ । ପୋଲିସ ଗୁଳି ଦିବାନାର ଡାହଣ ଗୋଡ଼ରେ ବାଜିବାରୁ ସେ ଟଳି ପଡ଼ିଥିଲା। ପୋଲିସ ତାକୁ କାବୁ କରି ଚିକିତ୍ସା କରାଇବାକୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲା, ସେଠାରେ ତା’ର ସ୍ୱାସ୍ଥ୍ୟାବସ୍ଥା ଗୁରୁତର ଥିବାରୁ ଅଧିକ ଚିକିତ୍ସା ନିମନ୍ତେ ତାକୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ପୋଲିସ ଦିବାନା ନିକଟରୁ ଗୋଟିଏ ବନ୍ଧୁକ, ଗୋଟିଏ ଜୀବନ ଗୁଳି , ଗୋଟିଏ ମାଗାଯିନ ଓ ଗୋଟିଏ ବାଇକ ଜବତ କରିଛି।
ସୂଚନାଯୋଗ୍ୟ ଦିବାନା ନାମରେ ପୁରୀର ବିଭିନ୍ନ ଥାନାରେ ମାମଲା ରହିଛି । ତା ନାମରେ ୱାରେଣ୍ଟ ମଧ୍ୟ ରହିଛି । ବାସେଳୀସାହି ଥାନା ଅନ୍ତର୍ଗତ ଗୋଖାସାହିର ଦିବାନାର ଘର ବୋଲି ଜଣା ପଡିଛି ।
