ମୁମ୍ବାଇ (ଏଟିଆର ବ୍ୟୁରୋ): ଟେଲିଭିଜନର କାହାଣୀ ଏବଂ ଟ୍ୱିଷ୍ଟକୁ ନେଇ ପ୍ରତ୍ୟେକ ସପ୍ତାହରେ ଟିଆରପି ଲିଷ୍ଟ ସାମ୍ନାକୁ ଆସିଥାଏ । ଦର୍ଶକଙ୍କୁ କାହାଣୀ ଦ୍ୱାରା ବାନ୍ଧି ରଖିବା ପାଇଁ ପ୍ରତ୍ୟେକ ସୋ’ ର ନିର୍ମାତା ଇଛା କରିଥାନ୍ତି । କେଉଁ ସିରିଏଲର କାହାଣୀକୁ ଲୋକେ ଅଧିକ ପସନ୍ଦ କରୁଛନ୍ତି ତାହା ଏହି ଟିଆରପି ଲିଷ୍ଟ ମାଧ୍ୟମରେ ଜାଣିବାକୁ ମିଳିଥାଏ । ସେହିପରି ଚଳିତ ସପ୍ତାହର ଟିଆରପି ଲିଷ୍ଟ ଆସି ଯାଇଛି । ତେବେ ଆସନ୍ତୁ ଜାଣିବା ଟପ୍ ୧୦ ସିରିଏଲ ଲିଷ୍ଟରେ କେଉଁ ସବୁ ସିରିଏଲ ସାମିଲ ରହିଛି ।
ଗତ ଚାରି ସପ୍ତାହ ହେବ ‘ୟେ ରିସ୍ତା କ୍ୟା କେହେଲାତା ହୈ ’ ସିରିଏଲ ଏକ ନମ୍ବରରେ ରହି ଆସୁଛି । ଏହି ସିରିଏଲର କାହାଣୀଟି କାର୍ତ୍ତି, ନାୟାରା ଏବଂ ବେଦିକା ମଧ୍ୟରେ ବୁଲୁଛି । ସିରିଏଲ ର ଟିଆରପି ଦେଖି ଜଣା ପଡୁଛି କି ଦର୍ଶକ ଏହି କାହାଣୀର ଟ୍ୱିଷ୍ଟକୁ ପସନ୍ଦ କରୁଛନ୍ତି , ସେଥିପାଇଁ ଏହି ସିରିଏଲ ଏକ ନମ୍ବରରେ ରହିଛି । ଦ୍ୱିତୀୟ ସ୍ଥାନରେ କୁଣ୍ଡଳୀ ଭାଗ୍ୟ । ତୃତୀୟ ସ୍ଥାନରେ ‘କୁମ୍ କୁମ୍ ଭାଗ୍ୟ’ ଏବଂ ‘ଏ ରିସ୍ତେ ହୈ ପ୍ୟାର କି’ଦୁଇଟି ସିରିଏଲ ରହିଛି ।
ସେହିପରି ଚତୁର୍ଥ ସ୍ଥାନରେ ‘ଦି କପିଲ ଶର୍ମା ସୋ’ । ଲଗାତର ଭାବେ ଖରାପ ଟିଆରପିରେ ରହିବା ପରେ ଏବେ ଏହି ସୋ ଚାରି ନମ୍ବରରେ ରହିଛି । ଅନ୍ୟପଟେ ଟିଆରପି ତାଲିକାର ୫ମ ସ୍ଥାନରେ ଅମିତାଭ ବଚ୍ଚନଙ୍କ ସୋ, ‘କୌନ ବନେଗା କରୋଡ ପତି’, ୬ଷ୍ଠ ସ୍ଥାନରେ ‘ସୁପରଷ୍ଟାର ସିଙ୍ଗର’, ୭ମ ସ୍ଥାନରେ ‘ଛୋଟି ସରଦାରିଣୀ, ୮ମ ସ୍ଥାନରେ ‘ଶକ୍ତି’ । ସେହିପରି ୯ମ ସ୍ଥାନରେ ଦିବ୍ୟ ଦୃଷ୍ଟି ଏବଂ ୧୦ମ ସ୍ଥାନରେ କସୌଟି ଜିନ୍ଦେଗି କି-୨ ରହିଛି ।
