ୟୁପି,(ଏଟିଆରବ୍ୟୁରୋ): ହିନ୍ଦୁସ୍ତାନ ପେଟ୍ରୋଲିୟମ ଓ ଗ୍ୟାସ ପ୍ଲାଣ୍ଟରେ ଭୟାବହ ଅଗ୍ନିକାଣ୍ଡ । ଉତ୍ତରପ୍ରଦେଶର ଉନାଓ ଜିଲ୍ଲାରେ ଥଇବା ଏହି ପ୍ଲାଣ୍ଟରେ ସକାଳ ପ୍ରାୟ ୧୧ଟା ବେଳେ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ଘଟଣାପରେ ଆଖପାଖ ଅଞ୍ଚଳରେ ଆତଙ୍କ ଖେଳିଯାଇଛି ।
ଜାତୀୟ ରାଜପଥରେ ଯାତାୟତ ଏକପ୍ରକାର ଠପ୍ ହୋଇଯାଇଛି । ସୁରକ୍ଷା ଦୃଷ୍ଟିକୋଣରୁ ପାଖ ଗାଁ ଗୁଡିକୁ ପ୍ରଶାସନ ଖାଲି କରି ଦେଇଥିବା ଜଣାପଡିଛି । କାରଣ ନିଆଁ ପାଖ ଗାଁକୁ ବ୍ୟାପିବାର ସମ୍ଭାବନା ରହିଛି । ସବୁଠୁ ବଡ଼ କଥା ହେଉଛି ଏହି ଭୟାବହ ଅଗ୍ନିକାଣ୍ଡକୁ ଦେଖି ପ୍ଲାଣ୍ଟ ନିକଟରେ ଥିବା ଛୋଟମୋଟ ପ୍ଲାଣ୍ଟକୁ ବି ଛୁଟି କରି ଦିଆଯାଇଛି ।
ଯଦିଓ ଅଗ୍ନିଶମ ବିଭାଗ ନିଆଁକୁ ଆୟତ କରିବା ଲାଗି ଚେଷ୍ଟା ଜାରି ରଖିଛି ତଥାପି ନିଆଁ ଆୟତକୁ ଏଯାବତ୍ ଆସିପାରିନଥିବା ସୂଚନା ମିଳିଛି । ସେପଟେ ଏହି ଅଗ୍ନିକାଣ୍ଡରେ କ’ଣ ସବୁ କ୍ଷୟକ୍ଷତି ଘଟିଛି ସେନେଇ କୌଣସି ସଠିକ୍ ସୂଚନା ମିଳିପାରି ନାହିଁ ।
