କୋଣାର୍କ ( ଏଟିଆର ବ୍ୟୁରୋ): ଅସ୍ତରଙ୍ଗ ଆଳ ସାହିରେ ବାପା ପୁଅଙ୍କୁ ଛୁରାମାଡ । ଘଟଣା ସ୍ଥଳରେ ପୁଅର ମୃତ୍ୟୁ । ହତ୍ୟାକାରୀ କାର ଛାଡି ଫେରାର । ହତ୍ୟାକାରୀ ଡଗ୍ରସ ଖାଇବାକୁ ଆସିଥିଲେ । ସୂଚନା ଅନୁସାରେ ଅସ୍ତରଙ୍ଗ ଆଳ ସାହିରେ ଗତକାଲି ରାତିରେ କିଛି ଯୁବକ ଏକ କାରରେ ଅସ୍ତରଙ୍ଗ ଅଲରଙ୍ଗ ପଞ୍ଚାୟତର ଆଳେ ସାହିକୁ ଆସିଥିଲେ । ଏତେ ରାତିରେ କାହିଁକି ସହାହି ଭିତରକୁ ଆସିଛନ୍ତି ବୋଲି ସାହିର ସାଧୁ ସ୍ୱାଇଁ ତାଙ୍କୁ ଅଟକାଇ ପଚରା ଉଚରା କରିଥିଲେ ।
ତେବେ ଏହାକୁ ନେଇ ସେମାନେ କାହିଁକି ପଚାରୁଛନ୍ତି ବୋଲି ଯୁକ୍ତ କରିବା ସହିତ ଅସଭ୍ୟ ଭାଷାରେ ଗାଳି ଗୂୁଲଜ କରିଥିଲେ । ଏହାଂ ।ଉରି ପୁଅ ଦିଲ୍ଲୀପ ସ୍ୱାଇଁ ଘରୁ ଉଠିକି ଆସିଥିଲେ । ପରେ ଉଭୟ ପକ୍ଷଙ୍କ ମଧ୍ୟରେ ବଚସା ଅଧିକ ହୋଇଥିଲା । ତେବେ ଏଥିରେ ଉତକ୍ଷିପ୍ତ ହୋଇ ଡ୍ରଗସ ଖାଇବାକୁ ଆସିଥିବା ମୁନା କାରରୁ ଏକ ଭୁଜାଲି ବାହାର କରି ବାପା ଓ ପୁଅଙ୍କୁ ଆକ୍ରମଣ କରିଥିଲେ ।
ଘଟଣା ସ୍ଥଳରେ ପୁଅ ଦିଲ୍ଲୀପଙ୍କର ମୃତ୍ୟୁ ହୋଇଥିବା ବେଳେ ବାପା ସାଧୁ ସ୍ୱାଇଁ ଗୁରୁତର ଆହତ ହୋଇଛନ୍ତି । ତେବେ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ପୋଲିସ ଅଭିଯୁକ୍ତଙ୍କୁ ଧରିବା ପାଇଁ ଖୋଜାଖୋଜି ଜାରି ରଖିଛି । ଅନ୍ୟପଟେ ଘଟଣାକୁ ନେଇ ଗ୍ରାମବାସୀମାନେ ଅସ୍ତରଙ୍ଗ କାକଟପୁର ରାସ୍ତା ଟାୟର ଜାଳି ଅବରୋଧ କରିଛନ୍ତି ।
