ନୂଆପଡା(ଏଟିଆର ବ୍ୟୁରୋ): ଗତ କାଲି ରାବଣ ପୋଡି ଉତ୍ସବ ପୂର୍ବରୁ ନୂଆପଡା ଜିଲ୍ଲା କୋମନା ଥାନା ଅନ୍ତର୍ଗତ କାଣ୍ଡେତାରା ଗ୍ରାମରେ ଏକ ଅଘଟଣ ଘଟିଛି । ରାବଣ ପୋଡି ଉତ୍ସବ ପାଇଁ ତିଆରି କରାଯାଇଥିବା ରାବଣ ମୂର୍ତ୍ତି ସଦୃଶ୍ୟଟି ଜଣେ ବାଳକ ଉପରେ ପଡି ବାଳକ ଜଣଙ୍କ ଗୁରୁତର ଆହାତ ହୋଇଛନ୍ତି । ଏହା ପରେଆହତ ହୋଇଥିବା ଯୋଗେଶ୍ୱର ସତନାମୀଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସୂଚନା ଅନୁସାରେ ରାବଣ ପୋଡି ପାଇଁ ତିଆରି କରାଯାଇଥିବା ରାବଣ ମୂର୍ତ୍ତି ସଦୃଶ୍ୟଟିକୁ ଟ୍ରାକ୍ଟର ମାଧ୍ୟମରେ ପଡିଆକୁ ନିଆଯାଉଥିଲା ।
ତେବେ ହତାଠ ରାବଣ ମୂର୍ତ୍ତିଟି ଟ୍ରାକ୍ଟରରୁ ତଳେ ପଡିଯାଇଥିଲା । ଏହି ସମୟରେ ଯୋଗେଶ୍ୱର ରାବଣ ମୂର୍ତ୍ତି ତଳେ ଚାପି ହୋଇଯାଇଥିଲେ । ସେଠାରୁ ତାଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଥିଲା । ବର୍ତ୍ତମାନ ଯୋଗେଶ୍ୱର ସୁସ୍ଥ ଥିବାର ଜଣାପଡିଛି । ଏହା ପରେ ରାବଣ ପୋଡି ଉତ୍ସବ ଶାନ୍ତିର ପାଳନ କରାଯାଇଛି ।
