ବରଗଡ(ଏଟିଆର ବ୍ୟୁରୋ): ଦୁର୍ଗା ପୂଜାରେ ରାବଣ ପୋଡି ଦେଖିବାକୁ ଯାଇଥିଲେ ହେଲେ ମଦ ବ୍ୟବସାୟୀଙ୍କ ଭୁଜାଲି ଆକ୍ରମଣରେ ଜୀବନ ଚାଳିଗଲା । ଏଭଳି ଏକ ଘଟଣା ଦେଖିବାକୁ ମିଳିଛି ବିଜେପୁର ଥାନା ଅନ୍ତର୍ଗତ ବାଦୀପାଲି ଗ୍ରାମରେ । ସୂଚନା ଅନୁସାରେ ସଂଜୀବ ପ୍ରଧାନ ଓ ତାଙ୍କ ସାଙ୍ଗ ମାନେ ରାବଣ ପୋଡି ଦେଖିବାକୁ ଯାଇଥିଲେ । ସେଠାରୁ ସେମାନେ ବିଲମ୍ବିତ ରାତିରେ ମଦ ପିଇବା ପାଇଁ ବାଦୀପାଲି ଗ୍ରାମରେ ଥିବା ମଦ ଦୋକାନକୁ ଯାଇଥିଲେ । ସେଠାରେ ସଂଜୀବଙ୍କ ସାଙ୍ଗ ମାନେ ମାଗଣା ମଦ ମାଗିଥିଲେ । ଏହି କଥାକୁ ନେଇ ମଦ ବ୍ୟବସାୟୀ ଓ ସଂଜୀବଙ୍କ ସାଙ୍ଗ ମାନଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା ।
ଏହା ପରେ ମଦ ବ୍ୟବସାୟୀ ଓ ଜଣେ ଯୁବକ ରାଗି ଯାଇ ସଂଜୀବ ଓ ତାଙ୍କ ସାଙ୍ଗ ମାନଙ୍କ ଉପରେ ଭୁଜାଲିରେ ଆକ୍ରମଣ କରିଥିଲେ । ଏଥିରେ ସଂଜୀବ ଗୁରୁତର ହୋଇ ପଡିଥିଲେ । ତାଙ୍କୁ ସୋହେଲା ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ସଂଜୀବଙ୍କ ମୃତ ଘଟିଥିଲା । ସଂଜୀବଙ୍କ ଘର ଛତିଶଗଡ ଜିଲ୍ଲା ସରେଇପାଲି ଥାନା ବାଳସୀ ଗ୍ରାମରେ ବୋଲି ଜଣାପଡିଛି । ଏହି ଆକ୍ରମଣେ ଅନ୍ୟ ୩ଜଣ ଯୁବକ ଆହତ ହୋଇଛନ୍ତି । ଆହତ ଯୁବକ ମାନଙ୍କ ଘର ବାଦୀପାଲି ଅଞ୍ଚଳରେ ବୋଲି ସୂଚନା ରହିଛି । ତେବେ ଘଟଣା ସ୍ଥଳରେ ସୋହାଲା ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଅଭିଯୁକ୍ତ ମାନେ ଫୋରରା ଥିବାର ଜଣା ପଡିଛି ।
