ବାଲେଶ୍ୱର ( ଏଟିଆର ବ୍ୟୁରୋ): ବାଲେଶ୍ୱର ରେମୁଣା ମହାରାଜପୁର ଗ୍ରାମରେ ଘଟିଛି ଭୟାବହ ଅଗ୍ନିକାଣ୍ଡ । ନିଆଁର ପ୍ରକୋପ ଏତେ ଅଧିକ ରହିଥିଲା ଯେ ୪ ବଖରା ଘର ପୁରା ଜଳିପୋଡି ଛାରଖାର ହୋଇଯାଇଛି । ତେବେ ନିଆଁ କାରଣରୁ ଲାଗିଥିଲା ତାହା ଏଯାବତ ସ୍ପଷ୍ଟ ହୋଇନାହିଁ । ଗ୍ରାମର ମଣ୍ଟୁ ଦଳାଇଙ୍କ ଘରେ ନିଆଁ ଲାଗିଥିବା ସୂଚନା । ଏହି ଅଗ୍ନିକାଣ୍ଡରେ ଘରର ସମସ୍ତ ଆସବାପତ୍ର ଜଳି ପୋଡି ନଷ୍ଟ ହୋଇ ଯାଇଛି ।
ନିଆଁ ଲାଗିଥିବା ଖବର ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ସେପଟେ କେଉଁ କାରଣରୁ ନିଆଁ ଲାଗିଛି ତାହା ସ୍ପଷ୍ଟ ହୋଇ ନଥିଲେ ମଧ୍ୟ ମଣ୍ଟୁ ପରିବାର ଲୋକଙ୍କ ଉପରେ ରାଗି ଘରେ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି । ମଣ୍ଟୁ ସରକାରୀ ସାହାର୍ଯ୍ୟ ପାଇବା ପାଇଁ ଆବେଦନ କରୁଥିଲେ ମଧ୍ୟ ଘଟଣାର ପ୍ରକୃତ ସତ୍ୟାସତ୍ୟ ନ ଜଣାପଡିବା ପର୍ଯ୍ୟନ୍ତ କୌଣସି ସହଯୋଗ ମିଳିବ ନାହିଁ ଜଣା ପଡିଛି ।
