ନୂଆଦିଲ୍ଲୀ(ଏଟିଆର ବ୍ୟୁରୋ): ଗତ ସେପ୍ଟେମ୍ବର ୩ ତାରିଖରେ ପ୍ରବର୍ତ୍ତନ ନିର୍ଦ୍ଦେଶାଳୟ ଦ୍ୱାରା ଗିରଫ ହୋଇ ଥିବା କଂଗ୍ରେସ ନେତା ଡିକେ ଶିବକୁମାରଙ୍କୁ ଆଜି ସକାଳେ ତିହାର ଜେଲରେ ସୋନିଆ ଗାନ୍ଧୀ ଭେଟିଛନ୍ତି । ଏହି ସମୟରେ ସୋନିଆଙ୍କ ସହ କଂଗ୍ରେସ ନେତା ଅମ୍ବିକା ସୋନି ଏବଂ ଶିବକୁମାରଙ୍କର ସାନ ଭାଇ ଡିକେ ସୁରେଶ ଉପସ୍ଥିତ ଥିଲେ । ଇଡି ଦ୍ୱାରା ଗିରଫ ହୋଇଥିବା ଶିବକୁମାରଙ୍କ ଉପରେ ଟିକସ ଫାଙ୍କି ଓ ହାୱଲା ମାମଲା ଚାଲିଛି ।
ଏହି ମାମଲାରେ ଶିବକୁମାରଙ୍କ ଝିଅ ଐଶର୍ଯ୍ୟାଙ୍କୁ ମଧ୍ୟ ଇଡିର ସାମ୍ନା କରିବାକୁ ପଡିଥିଲା । ଆଜି ଶିବକୁମାରଙ୍କର ରିମାଣ୍ଡ ଅବଧି ଶେଷ ହୋଇଛି । ଏହା ସହ ଆଜି ଦିଲ୍ଲୀ ହାଇକୋର୍ଟ ତାଙ୍କ ଜାମିନ ମାମଲାରେ ଶୁଣାଣି କରିବେ । ଆଇଏନଏକସ ମିଡିଆ ମାମଲାରେ ସିବିଆଇ ଦ୍ୱାରା ଗିରଫ ହୋଇଥିବା ପୂର୍ବତନ ଅର୍ଥମନ୍ତ୍ରୀ ପି. ଚିତାମ୍ବରମଙ୍କୁ ମଧ୍ୟ ସୋନିଆ ଗାନ୍ଧୀ ତିହାର ଜେଲରେ ଭେଟିଛନ୍ତି ।
