ଗଜପତି ( ଏଟିଆର ବ୍ୟୁରୋ): ଗତପତିରେ ଶ୍ରମିକଙ୍କୁ ନେଇ ଯାଉଥିବା ଏକ ଟ୍ରାକ୍ଟର ଓଲଟି ପଡିବାରୁ ୨୩ ଜଣ ଶ୍ରମିକ ଆହତ ହୋଇଛନ୍ତି । ସୂଚନା ଅନୁସାରେ ଗଜପତି ମୋହନା ଶଗଡିଆ ଘାଟି ଠାରେ ଏହି ଅଘଟଣ ଘଟିଛି । ଏକ ଫାର୍ମ ହାଉସରୁ କାମ ସାରି ଶ୍ରମିକ ମାନେ ଗାଁକୁ ଫେରୁଥିବା ବେଳେ ଘାଟି ଠାରେ ଟ୍ରାକ୍ଟର ଓଲଟି ପଡିଥିଲା ।
ଏହି ଦୁର୍ଘଟଣାରେ ୧୦ ଜଣଙ୍କର ଅବସ୍ଥା ଗୁରୁତର ହୋଇଛି । ଗୁରୁତର ମାନଙ୍କୁ ବ୍ରହ୍ମପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ଦୂର୍ଘଟଣା ପରେ ଟ୍ରାକ୍ଟର ଚଳାଉଥିବା ଡ୍ରାଇଭର ଟ୍ରାକ୍ଟର ଛାଡି ଘଟଣା ସ୍ଥଳରୁ ଫେରାର ହୋଇ ଯାଇଛି । ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
