ମୁମ୍ବାଇ (ଏଟିଆର ବ୍ୟୁରୋ): ଚଳିତ ନଭେମ୍ବର ୨୨ ତାରିଖରେ ରିଲିଜ୍ ହେବାକୁ ଯାଉଛି ବଲିଉଡ ଫିଲ୍ମ ‘ପାଗଲପନ୍ତି’ । ଫିଲ୍ମର ମୁଖ୍ୟ ଭୂମିକାରେ ଅଭିନୟ କରିଛନ୍ତି ଅଭିନେତା ଜନ୍ ଆବ୍ରାହମ । କମେଡି ଭରପୁର ଫିଲ୍ମର ଏବେ ମଜାଳିଆ ପୋଷ୍ଟର ରିଲିଜ୍ ହୋଇଛି । ଏହି ପୋଷ୍ଟରରେ ଜନ୍ ଆବ୍ରାହମ୍, ଅନୀଲ କପୁର, ସୌରଭ ଶୁକ୍ଲାଙ୍କ ଅତିରିକ୍ତ ଫିଲ୍ମର ପୁରା କାଷ୍ଟର ମଜେଦାର ଲୁକ୍ସ ଦେଖିବାକୁ ମିଳିଛି । କମେଡିରେ ଭରପୁର ଏହି ଫିଲ୍ମକୁ ଦେଖିବା ପାଇଁ ଦର୍ଶକମାନେ ଖୁବ୍ ଆଗ୍ରହର ସହ ଅନେଇ ବସିଛନ୍ତି । ଏହି ଫିଲ୍ମରେ ଜନ୍ ଆବ୍ରାହମଙ୍କ ସମେତ ଅନୀଲ କପୁର, ସୌରଭ ଶୁକ୍ଲା, ଉର୍ବଶୀ ରୌତେଲ, ଅର୍ଶଦ ୱାର୍ସି , ଇଲିଆନା ଡିକ୍ରୁଜ୍, କୃତି ଖରବନ୍ଦା ଏବଂ ପୁଲକିତ୍ ସମ୍ରାଟ ନଜର ଆସିବେ ।
ଏଇ ନିକଟରେ ଫିଲ୍ମର ଟ୍ରେଲର ରିଲିଜ୍ ହୋଇଥିଲା । ଯାହା ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା ଏବଂ ଫିଲ୍ମର ଗୀତ ବି ୟୁଟ୍ୟୁବ୍ ରେ ଖୁବ୍ ଧମାଲ ମଚାଇଛି । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ଅନୀସ ବଜ୍ମୀ ରହିଛନ୍ତି । ଏହା ପୂର୍ବରୁ ସେ ଅନେକ କମେଡି ଫିଲ୍ମ କରି ସାରିଛନ୍ତି ଯେପରିକି ମୁବାରକାଂ, ୱେଲକମ ବ୍ୟାକ୍, ନୋ ଏଣ୍ଟ୍ରି ଏବଂ ସିଂ ଇଜ୍ କିଙ୍ଗ । ଯାହା ବକ୍ସ ଅଫିସ୍ ରେ ଖୁବ୍ ଧମାଲ କରିଛି । ଏବେ ଦେଖିବାକୁ ବାକି ରହିଲା ପାଗଲପନ୍ତି ଦର୍ଶକଙ୍କୁ କେତେ ପାଗଳାମୀ କରାଉଛି ।
