ଯାଜପୁର ( ଏଟିଆର ବ୍ୟୁରୋ): ରେଳ ଧାରଣା ପାରି ହେଉଥିବା ବେଳେ ମା ଝିଅଙ୍କ ଉପରେ ଟ୍ରେନ ମାଡି ଯିବାରୁ ଘଟଣା ସ୍ଥଳରେ ଉଭୟଙ୍କ ମୃତ୍ୟୁ ହୋଇଛି । ଏହି ଅଘଟଣ ଘଟିଛି ଯାଜପୁର ରୋଡ ନିକଟସ୍ଥ ଅହମ୍ମଦନଗରରେ ରେଳ ଧାରଣାରେ । ଖବର ମୁତାବକ ଉଭୟ ରେଳ ଧାରଣା ପାର ହେଉଥିବା ବେଳେ ହାୱଡା ପୁରୀ ଏକ୍ସପ୍ରେସ ସେମାନଙ୍କୁ ଧକ୍କା ଦେଇଥିଲା ।
ମୃତକଙ୍କ ଘର କୋରେଇ ଥାନା ଚାନ୍ଦ ମା ଗ୍ରାମରେ ବୋଲି ଜଣା ପଡିଛି । ତେବେ ମା ଝିଅ କୁଆଡେ ଯାଉଥିଲେ ତାହା ମଧ୍ୟ ଜଣା ପଡିନାହିଁ । ଘଟଣା ସ୍ଥଳରେ ରେଳବାଇ ପୋଲିସ ପହଞ୍ଚି ଘଟଣାର ଅନୁଧ୍ୟାନ କରିବା ସହିତ ତଦନ୍ତ ଆରମ୍ଭ କରିଛି ।
