ରାଉରକେଲା(ଏଟିଆର ବ୍ୟୁରୋ): ରାଉରକେଲା ସ୍ଥିତ କାର୍ମେଲ ସ୍କୁଲ ନିକଟରେ ଏକ ବାଇକ ଟ୍ରକ ସହ ମୁହାଁମୁହିଁ ହୋଇଛି । ଫଳରେ ଘଟଣା ସ୍ଥଳରେ ଜଣଙ୍କର ମୃତୁ ହୋଇଛି । ଅନ୍ୟଜଣେ ଯୁବକ ଗୁରୁତର ହୋଇ ପଡିଛନ୍ତି । ସୂଚନା ଅନୁସାରେ ଦୁଇ ଜଣ ଯୁବକ କୌଣସି କାମରେ ଲାଠିକଟା ଯାଇ ଫେରୁଥିଲେ । ଏହି ସମୟରେ କାର୍ମେଲ ସ୍କୁଲ ନିକଟରେ ଏକ ଟ୍ରକ ସହ ବାଇକଟି ଧକ୍କା ହୋଇଥିଲା । ଫଳରେ ଘଟଣା ସ୍ଥଳରେ ଜେମସ ଫ୍ରନସିସ ମୃତୁ ବରଣ କରିଥିଲେ । ତାଙ୍କ ବନ୍ଧୁ ପିଟର ଲାକ୍ରା ଗୁରୁତର ଆହତ ହୋଇଥିଲେ । ପିଟରଙ୍କୁ ସ୍ଥାନୀୟ ଲୋକ ମାନେ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ ।
ଘଟଣା ସ୍ଥଳରେ ଉତ୍ତେଜନା ଦେଖିବାକୁ ମିଳିଥିଲା । ସ୍ଥାନୀୟ ଲୋକ ମାନେ କ୍ଷତିପୂରଣ ଦାବିରେ ୧୪୩ ନମ୍ବର ଜାତୀୟ ରାଜପଥକୁ ଅବେରୋଧ କରିଥିଲେ । ଫଳରେ ରାସ୍ତାରେ ଟ୍ରାଫିକ ସମସ୍ୟ ଦେଖିବାକୁ ମିଳିଥିଲା । ଖବର ପାଇ ରଘୁନାଥ ପୁର ଥାନା ପୋଲିସ ପହଞ୍ଚି ପରିସ୍ଥିତିକୁ ଆୟତ୍ତ କରିବା ସହ ଟ୍ରକଟିକୁ ଜବତ କରିଛି । ଏହା ସହ ଟ୍ରକ ଚଳାଉଥିବା ଡ୍ରାଇଭରକୁ ଗିରଫ କରି ତଦନ୍ତ ଆରମ୍ଭ କରିଛି । ଜେମସଙ୍କ ଘର ବାଲିଯୋଡିରେ ହୋଇତିବା ବେଳେ ପିଟରଙ୍କ ଘର ଜଳଦା ସି-ବ୍ଲକରେ ବୋଲି ଜଣାପଡିଛି ।
