ଝାଡଖଣ୍ଡ(ଏଟିଆର ବ୍ୟୁରୋ): ଗତ ୨୦ ତାରିଖରେ ଝାଡଖଣ୍ଡ ବିଧାନସଭାର ସମସ୍ତ ପର୍ଯ୍ୟାୟ ନିର୍ବାଚନ ସରିଥିବା ବେଳେ ଆଜି ଫଳାଫଳ ପ୍ରକାଶ ପାଇଛି ।
ଝାଡଖଣ୍ଡ ମୁକ୍ତି ମୋର୍ଚ୍ଚା ୩୦ ସିଟରେ ଆଗୁଆ ରହି ଥିବା ବେଳେ, ବିଜେପି ୨୪ ଓ କଂଗ୍ରେସ ୧୬ ଟି ଆସନ ହାତେଇବାରେ ସଫଳ ହୋଇଛନ୍ତି ।
ତେବେ ଜେଏମଏମ ବିଜେପି ଠାରୁ ଆଗରେ ଥାଇ ମଧ୍ୟ କଂଗ୍ରେସ ସହିତ ମେଣ୍ଟ କରି ମିଳିତ ସରକାର ଗଠନ କରିବାରେ ସଫଳ ହୋଇଛି । କଂଗ୍ରେସ-ଜେଏମଏମ ମେଣ୍ଟ କରି ୪୬ ଆସନରେ ସରକାର ଗଢୁଛନ୍ତି ।
ସେପଟେ ପୁର୍ବରୁ ଏକଜିଟ୍ ପୋଲ ର ଆକଳନରେ ମଧ୍ୟ ଜେଏମଏମ ମୁଖ୍ୟ ସୋରେନ ସରକାର ଗଠନ କରିବେ ବୋଲି ପ୍ରକାଶ କରାଯାଇଥିଲା । ପୁର୍ବରୁ କଂଗ୍ରେସ-ଜେଏମଏମ-ଜେଡିୟୁ ମେଣ୍ଟ କରିପାରନ୍ତି ବୋଲି ଚର୍ଚ୍ଚା ହେଉଥିଲେ ହେଁ ବର୍ତ୍ତମାନ କେବଳ କଂଗ୍ରେସ ଓ ଜେଏମଏମ ର ମେଣ୍ଟରେ ସରକାର ହେବ ।
