ବିହାର(ଏଟିଆର ବ୍ୟୁରୋ): ଗତ କିଛି ଦିନ ହେବ ପିଆଜ ସବୁ ସମୟରେ ଚର୍ଚ୍ଚାର ବିଷୟ ପାଲଟିଛି । କେତେବେଳେ ପିଆଜର ବଢୁଥିବା ଦାମ କୁ ନେଇ ତ ପୁଣି କେବେ ପିଆଜ ଚୋରି ପୁଣି ଆଉ କେବେ ପିଆଜକୁ ନେଇ କମେଡି ପାଇଁ ପିଆଜ ସବୁ ସମୟରେ ଚର୍ଚ୍ଚାରେ ରହିଛି ।
ପିଆଜର ଦର ଯେମିତି ବଢି ଚାଲିଛି ପିଆଜ ଚୋରି ମଧ୍ୟ ସେମିତି ବଢି ଚାଲିଛି । ଗତ କିଛି ଦିନର ନିରବତା ପରେ ପୁଣି ସାମ୍ନାକୁ ଆସିଛି ପିଆଜ ଚୋରି ଘଟଣା । ମହାରାଷ୍ଟ୍ର ଭଳି ବିହାରୁ ମଧ୍ୟ ସମାନ ଢଙ୍ଗରେ ଚୋରି ହେଇଛି ପିଆଜ ।
ଗୁରୁବାର ଦିନ ବିହାରର କøମୁର ଜିଲ୍ଲା ଅନ୍ତର୍ଗତ ମୋହନିଆ ଥାନା ଅଞ୍ଚଳରୁ ଆହ୍ଲାବାଦ ଯାଉଥିବା ଏକ ପିଆଜ ବୋଝେଇ ଟ୍ରକରୁ ପ୍ରାୟ ୩ଲକ୍ଷରୁ ଅଧିକ ଟଙ୍କାର ପିଆଜ ଚୋରି କରିନେଇଛନ୍ତି ଦୁର୍ବୁତ ।
ସୁଚନା ଅନୁସାରେ ବିଳମ୍ବିତ ରାତିରେ ଗୋଟିଏ କାର ଯୋଗେ ୬ଜଣ ଦୁର୍ବୁତ ଆସି ପିଆଜ ଟ୍ରକକୁ ଅଟକାଇ ଡ୍ରାଇଭର ଜଣଙ୍କୁ ପିସ୍ତଲ ଦେଖାଇ ଫିଲ୍ମ ଷ୍ଟାଇଲରେ ୧୦୨ ବସ୍ତା ପିଆଜ ଲୁଟି ନେଇଛନ୍ତି ।
ପିଆଜ ଚୋର ମାନେ ଏମିତି ସତର୍କତାର ସହିତ ପିଆଜ ଚୋରି କରିଛନ୍ତି ଯେ ସେମାନଙ୍କୁ ଧରିବା ଏବେ ପୋଲିସ ପକ୍ଷେ ଏକ ବଡ ଚ୍ୟାଲେଞ୍ଜ ହୋଇ ଛିଡା ହେଇଛି ।
