କୃଷ୍ଣସାର ମୃଗ ଶିକାର ମାମଲାରେ ସଲମାନ ଖାନଙ୍କୁ ୫ ବର୍ଷ ଜେଲ ଦଣ୍ଡାଦେଶ ଶୁଣା ଯିବା ପରେ ସଲମାନଙ୍କ ପରିବାର ଏବଂ କ୍ୟାଟ୍ରିନା କୈଫ ସଂପୂର୍ଣ୍ଣ ଭାଙ୍ଗି ପଡିଥିଲେ । ଏବଂ ସଲମାନଙ୍କ ପାଇଁ ପ୍ରାର୍ଥନା କରୁଥିବାର କ୍ୟାଟ୍ରିନାଙ୍କୁ ଏକ ମନ୍ଦିରରେ ଦେଖିବାକୁ ମିଳିଥିଲା । କିନ୍ତୁ ଏବେ ବାର୍ବି ଡଲ କ୍ୟାଟ୍ରିନାଙ୍କୁ ଏକ ନୂତନ ରୂପରେ ଦେଖିବାକୁ ମିଳିଛି ।
ପୂର୍ବରୁ କ୍ୟାଟ୍ରିନା ତାଙ୍କ ଭଉଣୀ ଇଶାବେଲଙ୍କ ସହ ଏକ ବଧୂ ବେଶରେ ନଜର ଆସିଥିଲେ । ବର୍ତ୍ତମାନ ପୁଣି ଥରେ ଏକ ଟ୍ରାଡିସ୍ନାଲ ଲୁକରେ ତାଙ୍କୁ ଦେଖିବାକୁ ମିଳିଛି । ଏଥିରେ ସେ ଖୁବ୍ ସୁନ୍ଦର ଦେଖାଯାଉଛନ୍ତି ।
କ୍ୟାଟ୍ରିନା ତାଙ୍କ ଆଗାମୀ ଫିଲ୍ମ ‘ଜିରୋ’ ସେଟର ଏକ ଫଟୋ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଯେଉଁଥିରେ ସେ ଏକ ଲାଲ ରଙ୍ଗର କାଞ୍ଜିବରମ ସାଢୀ ପିନ୍ଧିବା ସହ ଚୂଡି, ନାକଫୁଲ ଏବଂ ମଥାମଣି ଲଗେଇ ସଂପୂର୍ଣ୍ଣ ବଙ୍ଗାଳି ନବବଧୂ ବେଶରେ ନଜର ଆସିଛନ୍ତି ।
ଆନନ୍ଦ ଏଲ ରାୟ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମରେ କ୍ୟାଟ୍ରିନାଙ୍କ ସହିତ ମୁଖ୍ୟ ଭୂମିକାରେ ଶାହାରୁଖ ଖାନ୍ ଏବଂ ଅନୁଷ୍କା ଶର୍ମାଙ୍କୁ ମଧ୍ୟ ଦେଖିବାକୁ ମିଳିବ । ଫିଲ୍ମଟିର ସୁଟଂ ଖୁବ୍ ଶୀଘ୍ର ଶେଷ ହେବ ବୋଲି ନିର୍ଦ୍ଦେଶକ ମତବ୍ୟକ୍ତ କରିଛନ୍ତି ।
