ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’ ର ଧମାକେଦାର ଟ୍ରେଲର ରିଲିଜ୍ ହୋଇଯାଇଛି । ମୋହିତ ସୁରୀଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ମଲଙ୍ଗ’ ର ଟ୍ରେଲରକୁ ଲୋକେ ଖୁବ୍ ପସନ୍ଦ କରୁଛନ୍ତି । ୟୁଟ୍ୟୁବରେ କିଛି ସମୟ ମଧ୍ୟରେ ଏହି ଟ୍ରେଲରକୁ ଏକ ଲକ୍ଷରର ଅଧିକ ଦର୍ଶକ ଦେଖି ସାରିଲେଣି । ଟ୍ରେଲରରେ ଦିଶା ପଟାନି, ଆଦିତ୍ୟ ରୟ କପୁର, କୁଣାଲ ଖେମୁ ଏବଂ ଅନୀଲ କପୁରଙ୍କ ଭିନ୍ନ ଅବତାର ଦେଖିବାକୁ ମିଳିଛି ।
‘ମଲଙ୍ଗ’ ର ୨ ମିନିଟ୍ ର ଭିଡିଓରେ ଦିଶା ପଟାନି ଏବଂ ଆଦିତ୍ୟ ରୟ କପୁରଙ୍କ ରୋମାଣ୍ଟିକ୍ କେମେଷ୍ଟ୍ରି ଦେଖିବାକୁ ମିଳିଛି । ଏହାସହିତ ସମ୍ପୂର୍ଣ୍ଣ ଟ୍ରେଲରରେ ଅନେକ ଆକ୍ସନ ସିନ୍ ବି ରହିଛି । ଫିଲ୍ମର ଟ୍ରେଲରକୁ ଅନୀଲ କପୁର ତାଙ୍କର ଅଫିସିଆଲ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଅନୀଲ କପୁର ଟ୍ରେଲରଟିକୁ ସେୟାର କରି ଏକ କ୍ୟାପସନ୍ ଦେଇଛନ୍ତି ।
ପ୍ରଥମଥର ପାଇଁ ଏହି ସମସ୍ତ ଷ୍ଟାର ସିଲଭର ସ୍କ୍ରିନ୍ ରେ ଏକାଠି ନଜର ଆସିବେ । ଫିଲ୍ମ ‘ମଲଙ୍ଗ’ ଫେବୃଆରୀ ୭ ରେ ରିଲିଜ୍ ହେବ ।
