ମୁମ୍ବାଇ(ଏଟିଆର ବ୍ୟୁରୋ): ବଲିଉଡ୍ ର ଭାଇଜାନଙ୍କ ସହିତ କିଏ ବା କାମ କରିବାକୁ ନଚାହିଁବ । ବଲିଉଡ୍ ର ପ୍ରାୟ ସବୁ ଅଭିନେତ୍ରୀ ଦବଙ୍ଗ ଖାନଙ୍କ ସହିତ କାମ କରିବାକୁ ଚାହାନ୍ତି । କେବଳ ସେତିକି ନବାଗତା ନାୟିକା ମାନଙ୍କ ପାଇଁ ଏହା ସେମାନଙ୍କର ସବୁଠାରୁ ବଡ ସ୍ୱପ୍ନ ଠାରୁ କମ ନୁହେଁ ।
ବଲିଉଡ୍ ର ସୁନ୍ଦରୀ ଓ ଆଗଧାଡିର ନାୟିକା ଦୀପିକାଙ୍କର ମଧ୍ୟ ସମାନ ଇଚ୍ଛା ରହିଛି । ସୁଚନା ଅନୁସାରେ ଦୀପିକା ସଲମାନ ଖାନଙ୍କ ସହିତ ଆଗକୁ ଗୋଟିଏ ଫିଲ୍ମ କରିବାକୁ ଯାଉଛନ୍ତି ।
ଦୀପିକାଙ୍କ ଫିଲ୍ମ ‘ଛପାକ୍’ ର ପ୍ରମୋସନ ସମୟରେ ଦୀପିକା ଭାଇଜାନଙ୍କ ସହିତ ତାଙ୍କର ପ୍ରଥମ ଫିଲ୍ମ ବିଷୟରେ ଖୋଲାଖୋଲି ଭାବେ ନିଜ ଦର୍ଶକ ମାନଙ୍କୁ ଜଣାଇଛନ୍ତି । ତେବେ ଦୀପିକାଙ୍କ କହିବା ଅନୁସାରେ ସେ ପ୍ରଥମରୁ ହିଁ ଭାଇଜାନଙ୍କ ସହିତ କାମ କରିବାକୁ ଚାହୁଛନ୍ତି । ଏବଂ ଏଇଟା ତାଙ୍କର ଗୋଟିଏ ସ୍ୱପ୍ନ ମଧ୍ୟ ।
ତେବେ ବର୍ତ୍ତମାନ ଦୀପିକାଙ୍କ ସ୍ୱପ୍ନ ସତ ହେବାକୁ ଯାଉଛି । ଦୀପିକା ପାଦୁକୋନ ଓ ସଲମାନ ଖାନ ଏକା ସାଥୀରେ ଗୋଟିଏ ପରଦାରେ ଆସିବାକୁ ଯାଉଛନ୍ତି । ହୁଏତ ଦର୍ଶକ ଏହି ଯୋଡିଙ୍କୁ ଖୁବ ଶିଘ୍ର ଗୋଟିଏ ଫିଲ୍ମରେ ଦେଖିବାକୁ ପାଇବେ । ଦୀପିକା ଓ ସଲମାନଙ୍କ ପ୍ରସଂଶକ ମାନଙ୍କ ମଧ୍ୟରେ ମଧ୍ୟ ଏନେଇ ଉସାôହ ଦେଖିବାକୁ ମିଳିଛି ।
