ନୂଆଦିଲ୍ଲୀ ( ଏଟିଆର ବ୍ୟୁରୋ): ବିଜେପି ସଭାପତି ଭାବେ ନିର୍ବାଚିତ ହେଲେ ବିଜେପି କାର୍ଯ୍ୟକାରୀ ଅଧ୍ୟକ୍ଷ ଜେପି ନଡ୍ଡା ।ଜେପି ନଡ୍ଡା ଆଜି ବିଧିବଧ ଭାବେ ନିଜ କାର୍ଯ୍ୟର ଦାୟିତ୍ୱ ନେଇଛନ୍ତି । ସଭାପତି ଭାବେ ଜେପି ନଡ୍ଡା ନିଦ୍ୱନ୍ଦ ଭାବେ ଚୟନ ହୋଇଛନ୍ତି । ଏହି ଅବସରରେ ହୋଇଥିବା ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଶ୍ରୀ ନଡ୍ଡାଙ୍କୁ କାର୍ଯ୍ୟଭାର ଦିଆଯାଇଛି । ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଗୃହମନ୍ତ୍ରୀ ଅମିତ ଶାହା ଓ ଅନ୍ୟ ବରିଷ୍ଠ ବିଜେପି ନେତା ଉପସ୍ଥିତ ଥିଲେ ।
ସୂଚନାଯୋଗ୍ୟ ଜେପିନଡ୍ଡା ୨୦୧୪ ମସିହାରେ ହିମାଚଳ ପ୍ରଦେଶରୁ ରାଜ୍ୟସଭା ସାଂସଦଭାବେ ରହିଥିବା ବେଳେ ଗତ ୬ ବର୍ଷ ହେଲା ସେ ପାର୍ଟିର କାର୍ଯ୍ୟକାରୀ ଅଧ୍ୟକ୍ଷ ରହିଥିଲେ । ଅମିତ ଶାହାଙ୍କ ପରି ଜେପି ନଡ୍ଡାଙ୍କ ନେତୃତ୍ୱରେ ବିଜେପି ଭଲ ପ୍ରଦର୍ଶନ କରିବେ ବୋଲି ସମସ୍ତେ ଆଶା ରଖିଛନ୍ତି । ପୂର୍ବରୁ ଏହି ପଦବୀରେ ବିଜେପିର ଚାଣକ୍ୟ କୁହାଯାଉଥିବା ଅମିତ ଶାହା ରହିଥିଲେ । ସେ ଏବେ ଗୃହମନ୍ତ୍ରୀ ଦାୟିତ୍ୱରେ ରହିଥିବାରୁ ଏହି ପଦବୀ ଏବେ ନଡ୍ଡାଙ୍କୁ ଦିଆଯାଇଛି । ଆଗକୁ ହେବାକୁ ଥିବା ଦିଲ୍ଲୀ ନିର୍ବାଚନରେ ବିଜେପି ଜେପି ନଡ୍ଡାଙ୍କ ନେତୃତ୍ୱରେ ଭଲ ପ୍ରଦର୍ଶନ କରିବ ବୋଲି ବିଜେପି ନେତୃତ୍ୱ ମଣ୍ଡଳି ଆଶା ରଖିଛନ୍ତି ।
