କଟକ (ଏଟିଆର ବ୍ୟୁରୋ): ଭୟାବହ ଅଗ୍ନିକାଣ୍ଡ । ଜଳିଗଳା ଇଲେକ୍ଟ୍ରୋନିକ୍ସ ଗୋଦାମ । କଟକ ବାଦାମବାଡିରେ ଥିବା ଏକ ଇଲେକ୍ଟ୍ରୋନିକ୍ସ ଗୋଦାମରେ ଏହି ଅଗ୍ନିକାଣ୍ଡ ଘଟିଛି । ଗୋଦାମରେ ଥିବା ସମସ୍ତ ଇଲେକ୍ଟ୍ରୋନିକ୍ସ ସାମଗ୍ରୀ ଜଳି ପୋଡି ପାଉଁଶ ହୋଇଯାଇଛି । ମାତ୍ର ଏହି ଅଗ୍ନିକାଣ୍ଡରୁ ଅଳ୍ପକେ ବର୍ତ୍ତି ଯାଇଛନ୍ତି ୩ ଜଣ ବ୍ୟକ୍ତି ।
ଆଜି ଭୋରୁ ଭୋରୁ ବାଦାମବାଡି ନିକଟରେ ଥିବା ଇଲେକ୍ଟ୍ରୋନିକ୍ସ ଗୋଦାମରେ ଅଚାନକ୍ ନିଆଁ ଲାଗିଯାଇଥିଲା । ମାତ୍ର ଗୋଦାମରେ ନିଆଁ କିଭଳି ଲାଗିଲା ତାହା ସ୍ପଷ୍ଟ ହୋଇନାହିଁ । ଏହି ଅଗ୍ନିକାଣ୍ଡରେ ଅନେକ ଇଲେକ୍ଟ୍ରୋନିକ୍ସ ସାମଗ୍ରୀ ସମେତ ପ୍ଲାଷ୍ଟିକ ଉପକରଣ ଜଳି ପୋଡି ଛାର୍ ଖାର୍ ହୋଇଯାଇଛି । ସବୁଠାରୁ ବଡ କଥା ହେଉଛି ନିଆଁ ଲାଗିବା ପରେ ଗୋଦାମରେ ୩ ଜଣ ବ୍ୟକ୍ତି ଫସି ରହିଥିଲେ । ଖବର ପାଇ ଅଗ୍ନଶମ ବିଭାଗ କର୍ମୀ ପହଁଚି ନିଆଁକୁ ଆୟତ୍ତ କରିବା ସହ ୩ ଜଣ ବ୍ୟକ୍ତିଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ ।
