ଜାମ୍ମୁ ( ଏଟିଆର ବ୍ୟୁରୋ): ଶ୍ରୀନଗର ଅଞ୍ଚଳରେ ଆଜି ସୁରକ୍ଷାକର୍ମୀ ଓ ଆତଙ୍କୀଙ୍କ ମଧ୍ୟରେ ଗୁଳି ବନିମୟ ହୋଇଛି । ଏଥିରେ ୩ ଜଣ ଆତଙ୍କୀ ନିହତ ହୋଇଛନ୍ତି । ସୂଚନା ଅନୁସାରେ ଆଜି ଭୋର ୫ ଟା ବେଳେ ଏହି ଗୁଳିବିନିମୟ ହୋଇଥିଲା । ଆଜି ସକାଳେ ସୁରକ୍ଷାକର୍ମୀଙ୍କୁ ବିଶେଷ ସୂତ୍ରରୁ ଖବର ମିଳିଥିଲା କିଛି ଆତଙ୍କୀ ଏକ ଟ୍ରକରେ ଶ୍ରୀନଗର ଯାଉଛନ୍ତି । ଏନେଇ ସୂଚନା ପାଇବା ପରେ ସୁରକ୍ଷାକର୍ମୀଙ୍କ ପକ୍ଷରୁ ଚେକିଂ ବ୍ଲକିଂ କଡାକଡି କରାଯାଇଥିଲା ।
ଟୋଲ ତ୍ଲାଜା ନିକଟରେ ଚେକିଂ ଚାଲିଥିବା ବେଳେ ଏକ ଟ୍ରକକୁ ସୁରକ୍ଷାକର୍ମୀ ଅଟକାଇ ଚେକିଂ କରିବା ବେଳେ ଟ୍ରକରୁ ଆତଙ୍କୀ ସୁରକ୍ଷାକର୍ମୀଙ୍କ ଉପରକୁ ଗୁଳି ଚାଳନା କରିଥିଲେ । ଯାହାର ପାଲଟା ଜବାବ ଦେଇଥିଲେ ସୁରକ୍ଷାକର୍ମୀ । ଏଥିରେ ଜଣେ ଆତଙ୍କୀ ନିହତ ହୋଇଥିବା ବେଳେ ଅନ୍ୟମାନେ ସୁରକ୍ଷାକର୍ମୀଙ୍କ ଉପରକୁ ଗ୍ରେନେଡ ମାଡ କରି ଖସି ଯିବାକୁ ଚେଷ୍ଟା କରିଥିଲେ । ମାତ୍ର ସୁରକ୍ଷାକର୍ମୀ ସେମାନଙ୍କୁ ଖସି ଯିବାକୁ ଦେଇ ନଥିଲେ । ପରେ ୨ ଜଣ ଆତଙ୍କୀଙ୍କୁ ସୁରକ୍ଷାକର୍ମୀ ନିହତ କରିଥିଲେ । ଆହୁରି ୪ ଜଣ ଆତଙ୍କୀ ସ୍ଥାନୀୟ ଅଞ୍ଚଳରେ ଲୁଚି ରହିଥିବା ସନ୍ଦେହ କରାଯାଉଛି ।
