ଭୁବନେଶ୍ୱର (ଏଟିଆର ବ୍ୟୁରୋ): ରୋଷେଇ କଲା ବେଳେ ଭୟାବହ ଅଗ୍ନିକାଣ୍ଡ । ଜିଅନ୍ତା ଜଳିଗଲେ ମହିଳା । ଏଭଳି ଏକ ଅଭାବନୀୟ ଘଟଣା ଭଦ୍ରକ ସେରପୁର ଗାଁରେ ଘଟିଛି । ଏହି ଘଟଣାରେ ସରୋଜିନୀ ପରିଡା ନାମକ ମହିଳାଙ୍କ ସମେତ ତାଙ୍କ ସ୍ୱାମୀ ଅର୍ନ୍ତଯାମୀ ପରିଡା ମଧ୍ୟ ଅର୍ଦ୍ଧଦଗ୍ଧ ହୋଇଛନ୍ତି । ତାଙ୍କୁ ଚିକିତ୍ସା କରିବା ଲାଗି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ଖବରମୁତାବକ, ଆଜି ସକାଳୁ ଏହି ଅଗ୍ନିକାଣ୍ଡ ଘଟିଛି । ସରୋଜିନି ରୋଷେଇ କଲାବେଳେ ରୋଷେଇ ଘରେ ବିଦ୍ୟୁତ୍ ସର୍ଟସର୍କିଟ ହୋଇ ଅଗ୍ନିକାଣ୍ଡ ଘଟିଥିଲା । ଏଥିରେ ସରୋଜିନି ଜିଅନ୍ତା ଜଳି ଯାଇଛନ୍ତି ଏବଂ ତାଙ୍କ ସ୍ୱାମୀ ଅର୍ଦ୍ଧଦଗ୍ଧ ହୋଇଛନ୍ତି । ଏହାସହିତ ୩ ବଖରା ଘର ଜଳି ପୋଡି ଛାର ଖାର୍ ହୋଇ ଯାଇଛି । ସେପଟେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି ।
