ଗୋହ୍ୱାଟି(ଏଟଇଆର ବ୍ୟୁରୋ): ବଲିଉଡ୍ ର ସବୁଠାରୁ ଚର୍ଚ୍ଚିତ ଆୱାର୍ଡ ସୋ ‘ଫିଲ୍ମ ଫେୟାର ଆୱାର୍ଡସ୍’ ଗତକାଲି ଗୋହ୍ୱାଟିର ଇନ୍ଦୀରା ଗାନ୍ଧୀ ଆଥଲେଟିକ୍ସ ଷ୍ଟାଡିୟମରେ ଅନୁଷ୍ଠିତ ହୋଇଥିଲା । ଦୀର୍ଘ ୬୫ବର୍ଷ ଭିତରେ ପ୍ରଥମ ଥର ପାଇଁ ଏହି ଆୱାର୍ଡ ଉତ୍ସବ ମୁମ୍ବାଇ ବାହାରେ ଆୟୋଜିତ ହୋଇଛି ।
ଏହି ଆୱାର୍ଡ ସୋରେ ଯୋଗଦେବା ପାଇଁ ବଲିଉଡର ପ୍ରାୟ ସମସ୍ତ କଳାକାର ଗୋଟିଏ ଦିନ ପୂର୍ବରୁ ହିଁ ଗୋହ୍ୱାଟିରେ ପହଞ୍ଚିଥିଲେ । ମାଧୁରି ଦୀକ୍ଷିତ୍ ଙ୍କ ଠାରୁ ଆରମ୍ଭ କରି ଅନୀଲ କପୁରଙ୍କ ପର୍ଯ୍ୟନ୍ତ ବଲିଉଡର ପ୍ରାୟ ସବୁ ନାମୀଦାମୀ କଳାକାର ଏହି ଆୱାର୍ଡ ସୋରେ ଯୋଗ ଦେଇଥିଲେ ।
ଏବର୍ଷର ଫିଲ୍ମ ଫେୟାର ଆୱାର୍ଡରେ ୪ଟି ନୋମିନେଟେଡ୍ ଫିଲ୍ମ ମଧ୍ୟରେ ପାଇଁ କଡା ଟକ୍କର ଦେଖିବାକୁ ମିଳିଥିଲା । ମିଶନ ମଙ୍ଗଲ, ଉରି: ଦ ସର୍ଜିକାଲ ଷ୍ଟ୍ରାଇକ୍, ଛିଛୋରେ ଏବଂ ଗଲ୍ଲି ବୟେ ବେଷ୍ଟ ଫିଲ୍ମ ପାଇଁ ନୋମିନେଟେ ହୋଇଥିଲେ । ତେବେ ସମସ୍ତଙ୍କୁ ପଛରେ ପକାଇ ଆଲିଆ ଓ ରଣବିର ସିଂଙ୍କ ଫିଲ୍ମ ‘ଗଲ୍ଲି ବୟେ’ ବିଭିନ୍ନ କାଟେଗୋରିରୁ ୧୨ଟି ଆୱାର୍ଡ ହାତେଇବାରେ ସଫଳ ହୋଇଛି ।
ବଲିଉଡ ଜଗତର ସବୁଠାରୁ ପୁରୁଣା ଓ ପ୍ରଖ୍ୟାତ ଆୱାର୍ଡ ସୋ ଭାବରେ ପରିଚିତ ଫିଲ୍ମ ଫେୟାର ଆୱାର୍ଡ ପାଇଁ ବଲିଉଡର ପ୍ରାୟ ସବୁ କଳାକାର ସ୍ୱପ୍ନ ଦେଖିଥାନ୍ତି । ଏଥର ରଣବିର ସିଂ ବେଷ୍ଟ ଆକ୍ଟର ଓ ଆଲିଆ ଭଟ୍ଟ ବେଷ୍ଟ ଆକ୍ଟ୍ରେସ ଫିଲ୍ମ ଫେୟାର ଆୱାର୍ଡ ହାତେଇଛନ୍ତି ।
