ମୁମ୍ବାଇ(ଏଟିଆର ବ୍ୟୁରୋ): ବଲିଉଡର ସୁପର ଟ୍ୟାଲେଂଟେଡ ଆକ୍ଟ୍ରେସ କାଜୋଲ ଦେବଗନ ଇଣ୍ଡଷ୍ଟ୍ରିରେ ଅନେକ ରୋମାଣ୍ଟିକ ଫିଲ୍ମ କରି ଦର୍ଶକଙ୍କୁ ଭେଟି ଦେବା ସହ ଖୁବ୍ ଭଲ ପାଇବା ସାଉଂଟି ଛନ୍ତି । ସେ ବିଗତ କିଛି ଦିନ ହେବ କ୍ୟାମେରା ଆଗରୁ ଦୂରେଇ ରହୁଥିଲେ ମଧ୍ୟ କିଛି ନା କିଛି କଥା ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି । କିନ୍ତୁ ଏବେ ଶୁଣିବାକୁ ମିଳୁଛି ଯେ କାଜୋଲ ତାଙ୍କ ପତୀ ଅଜୟ ଦେବଗନଙ୍କ ପ୍ରଡକ୍ସନ ହାଉସରେ ନିର୍ମିତ ଫିଲ୍ମ ‘ଈଲା’ରେ ନଜର ଆସି ପାରନ୍ତି । ଏହି ଫିଲ୍ମରେ ସେ ଏକ ମା’ଭୂମିକାରେ ଅଭିନୟ କରିବା ସହ ତାଙ୍କ ବିପରୀତରେ ଅଜୟ ଦେବଗନଙ୍କୁ ଦେଖିବାକୁ ମିଳିବ।
କାଜୋଲ ଅନେକ ଫିଲ୍ମରେ ଅଭିନୟ କରି ଲୋକ ପ୍ରିୟତା ହାସଲ କରିବା ପରେ ୧୯୯୯ରେ ଅଭିନେତା ଅଜୟ ଦେବଗନଙ୍କୁ ବିବାହ କରିଥିଲେ । ହୁଏତଃ ତାଙ୍କୁ ଇଣ୍ଡଷ୍ଟ୍ରିରେ ଏବେ ଖୁବ୍ କମ୍ ଦେଖିବାକୁ ମିଳୁଛି । କିନ୍ତୁ ଏପର୍ଯ୍ୟନ୍ତ ତାଙ୍କର ଲୋକ ପ୍ରିୟତା କମି ନାହିଁ ।
କାଜୋଲଙ୍କ ସୁନ୍ଦରତା ଏବଂ ଅଭିନୟ ପାଇଁ ସାରା ଦେଶର ଲୋକମାନେ ତାଙ୍କ ଦିୱାନା । କିନ୍ତୁ ଆଜି ଆମେ ଆପଣଙ୍କୁ ଏଭଳି ଏକ କ୍ରିକେଟରଙ୍କ ବିଷୟରେ କହିବାକୁ ଯାଉଛୁ ଯାହାଙ୍କ ଉପରେ କାଜୋଲ ସଂପୂର୍ଣ୍ଣ ଫିଦା । ଆଜ୍ଞା ହଁ,ସେ ଆଉ କେହି ନୁହଁନ୍ତି ଭାରତୀୟ କ୍ରିକେଟ ଟିମର ପୁର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ।
