ମୁମ୍ବାଇ(ଏଟିଆର ବ୍ୟୁରୋ): ବଲିଉଡର ଦବଙ୍ଗ ଖାନଙ୍କ ବହୁ ପ୍ରତିକ୍ଷିତ ଫିଲ୍ମ ‘ରାଧେ: ୟୋର ମୋଷ୍ଟ ୱାଣ୍ଟେଡ୍ ଭାଇ’ ର ଟ୍ରେଲର ରିଲିଜ୍ ହେବାକୁ ଯାଉଛି ।
ତେବେ ଭାଇଜାନ ତାଙ୍କର ଏହି ଫିଲ୍ମ ତାଙ୍କ ଫ୍ୟାନ୍ସ ମାନଙ୍କୁ ଇଦ୍ ରେ ଭେଟି ଦବାକୁ ଯାଉଛନ୍ତି । ଦୀର୍ଘ ଦିନ ହେବ ସଲମାନ ଖାନ ଏହି ଫିଲ୍ମର ସୁଟିଙ୍ଗରେ ବ୍ୟସ୍ତ ଥିଲେ । ସୂଚନା ଅନୁସାରେ ଆଜି ଫିଲ୍ମର ସୁଟିଙ୍ଗ ଶେଷ ହୋଇଛି ।
ମିଡ୍ ଡେ ର ରିପୋର୍ଟ ଅନୁଯାଇ ଆସନ୍ତା ମାର୍ଚ୍ଚ ମାସ ୯ ତାରିଖରେ ଏହି ଫିଲ୍ମର ଟ୍ରେଲର ରିଲିଜ୍ ହେବାକୁ ଯାଉଛି । ସଲମାନଙ୍କ ଏହି ଫିଲ୍ମ ପାଇଁ ତାଙ୍କ ଫ୍ୟାନ୍ସ ମାନଙ୍କ ମଧ୍ୟରେ ଅଧିକ ଉତ୍ସାହ ଦେଖିବାକୁ ମିଳିଛି ।
ପ୍ରଜୋଜକଙ୍କ ବିଶେଷ ସୂଚନା ଅନୁଯାଇ ମାର୍ଚ୍ଚ ୯ତାରିଖରେ ଫିଲ୍ମର ଟ୍ରେଲର ଏକ ଖାସ ଦିନରେ ରିଲିଜ୍ ହେବାକୁ ଯାଉଛି । ସଲମାନ ନିଜ ଫିଲ୍ମର ଟ୍ରେଲର ହୋଲି ଅବସରରେ ରିଲିଜ୍ କରିବାକୁ ଯାଉଛନ୍ତି ।
ଏଥର ଇଦରେ ବଲିଉଡର ଦୁଇ ସୁପର ଷ୍ଟାରଙ୍କ ଭିତରେ କଡ୍ଡା ଟକ୍କର ଦେଖିବାକୁ ମିଳିବ । ‘ରାଧେ’ ଆସନ୍ତା ମେ’ ୨୨ରେ ରିଲିଜ୍ ହେବାକୁ ଯାଉଛି ଏବଂ ଏହି ଦିନ ‘ଲକ୍ଷ୍ମୀ ବମ୍ବ’ ମଧ୍ୟ ରିଲିଜ୍ ହେବ ।
