ମୁମ୍ବାଇ(ଏଟିଆର ବ୍ୟୁରୋ): ବଲିଉଡ ଖିଲାଡି ଅକ୍ଷୟ କୁମାରଙ୍କ ଅଭିନିତ ସୂର୍ଯ୍ୟବଂଶୀ ଫିଲ୍ମର ଟ୍ରେଲର ରିଲିଜ ହୋଇଛି । ଏହି ଟ୍ରେଲରେ ଭରପୁର ଆକ୍ସନ ହେଖିବାକୁ ମିଳିଛି । ଫିଲ୍ମରେ ଅକ୍ଷୟ କୁମାର ପୋଲିସ ଅଫିସର ଭୂମିକାରେ ନଜର ଆସିଛନ୍ତି । ଟ୍ରେଲରଟି ଅଜୟ ଦେବଗନଙ୍କ ଦମଦାର କଣ୍ଠରୁ ଆରମ୍ଭ ହୋଇଛି । ଏହା ସହ ମୁମ୍ବାରେ ହୋଇଥିବା ବହୁ ଅତଙ୍କବାଦୀ ଆକ୍ରମଣ ଘଟଣାକୁ ଏହି ଟ୍ରେଲରରେ ଦେଖିବାକୁ ମିଳିଛି । ସେହିଭଳି ମୁମ୍ବାରେ ଆଉ ଏକ ଆକ୍ରମଣ ଯୋଜନା କରୁଥିବା ଅତଙ୍କବାଦୀ ମାନଙ୍କୁ ଧରିବା ପାଇଁ ଅକ୍ଷୟଙ୍କୁ କଣ କରିବାକୁ ପଡିଛି ତାହା ଏହି ଟ୍ରେଲରରେ ଦେଖିବାକୁ ମିଳିଛି । ଏହା ସହ ଟ୍ରେଲରର ଶେଷ ଆଡକୁ ଅକ୍ଷୟ କୁମାର, ଅଜୟ ଦେବଗନ ଓ ରନବିର ସିଂ ଆକ୍ସନ କରୁଥିବାର ଦେଖିବାକୁ ମିଳୁଛି ।
ଏହି ଫିଲ୍ମକୁ ରୋହିତ ସେଠୀ ନିକେର୍ଦ୍ଦଶନା ଦେଇଛନ୍ତି । ସେହିପରି ଏହି ଫିଲ୍ମକୁ ଉଭୟ ରୋହିତ ସେଠୀ ଓ କରଣ ଜୋହର ପ୍ରଯୋଜନା ଦେଇଛନ୍ତି । ଏହି ଫିଲ୍ମରେ ଅକ୍ଷୟଙ୍କ ସହ ମୁଖ୍ୟ ଭୁମିକାରେ କ୍ୟାଟିନା କୈଫ ନଜର ଆସିବେ । ସେହିପରି ନିହାରିକା ରାୟଯାଦା, ଅଭିମନ୍ୟୁ ସିଂ, ଗୁଲୁସନ ଗୋବର, ଜାକି ଶ୍ରଫ, ସିକନ୍ଦର ଖେର ପ୍ରମୁଖ ନଜର ଆସିବେ ।
ମାତ୍ର କିଛି ସମୟ ଭିତରେ ଏହି ଟ୍ରେଲରଟି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଫିଲ୍ମଟି ଚଳିତ ମାସ ୨୭ ତାରିଖ ଦିନ ରିଲିଜ ହେବ । ଦର୍ଶକ ମାନେ ଏହି ଫିଲ୍ମକୁ ବଡ ପରଦାରେ ଦେଖିବାକୁ ଉତ୍ସାହିତ ଅଛନ୍ତି ।
