ମୁମ୍ବାଇ(ଏଟିଆର ବ୍ୟୁରୋ): ସୁପର ହିଟ ଫିଲ୍ମ ବାହୁବଳୀର ଦେବସେନା ତଥା ସାଉଥ୍ ର ଲୋକପ୍ରିୟ ଅଭିନେତ୍ରୀ ଅନୁଷ୍କା ସେଟ୍ଟି ବିବାହ କରିବାକୁ ଯାଉଛନ୍ତି ।
ବାହୁବଳୀରେ ଅନୁଷ୍କାଙ୍କ ଯୋଡି ସାଉଥ୍ ସୁପରଷ୍ଟାର ପ୍ରଭାସ ଅର୍ଥାତ୍ ବାହୁବଳୀଙ୍କ ବେଶ ଜମିଥିଲା । ଫଳରେ ଉଭୟଙ୍କ ଫ୍ୟାନ୍ସ ମାନେ ମଧ୍ୟ ଦୁହେଁ ଭବିଷ୍ୟତରେ ବିବାହ କରିପାରନ୍ତି ବୋଲି ସବୁ ସମୟରେ ଚର୍ଚ୍ଚା କରି ଆସୁଥିଲେ । ଦୁହେିଁ ରିଲେସନସିପ୍ ରେ ଥିବା କଥା ମଧ୍ୟ ଗତ କିଛି ଦିନ ହେବ ଚର୍ଚ୍ଚାର ବିଷୟ ପାଲଟିଛି ।
କିନ୍ତୁ ଅନୁଷ୍କା ପ୍ରଭାସଙ୍କୁ ନୁହେଁ ସେ ବିବାହ କରିବାକୁ ଯାଉଛନ୍ତି ନିର୍ଦ୍ଦେଶକ ପ୍ରକାଶ କୋଭେଲାମୁଦିଙ୍କୁ । ପ୍ରକାଶ ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ପ୍ରଖ୍ୟାତ ନିର୍ଦ୍ଦେଶକ । ସୂଚନା ଅନୁସାରେ ଚଳିତ ବର୍ଷ ଶେଷରେ ଅନୁଷ୍କା ପ୍ରକାଶଙ୍କ ସହିତ ବିବାହ ବନ୍ଧନରେ ଆବଦ୍ଧ ହୋଇ ପାରନ୍ତି ।
