ଭୁବନେଶ୍ୱର (ଏଟିଆର ବ୍ୟୁରୋ): ଆଜି ସାରା ଦେଶରେ ଜାରି ରହିଛି ଜନତା କର୍ଫ୍ୟୁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ କ୍ରମେ ଏହି କର୍ଫ୍ୟୁ ସକାଳ ୭ଟାରୁ ଆରମ୍ଭ ହୋଇ ରାତି ୯ଟା ଯାଏଁ ଚାଲିବ । ସେହି ଅନୁଯାୟୀ ଆଜି ରାଜ୍ୟର ସମସ୍ତ ଘରୋଇ ବସ୍ ଚଳାଚଳ ବନ୍ଦ ରହିଛି ।
ମହାମାରୀ କରୋନା ଏବେ ଭାରତରେ କାୟା ମେଲାଇବାରେ ଲାଗିଛି । ଭାରତରେ କରୋନା ସଂକ୍ରମିତଙ୍କ ସଂଖ୍ୟା ୨ ଶହରୁ ଅଧିକ ଟପିଲାଣି । ଏହାସହିତ ଏହି ସଂକ୍ରମଣରେ ୫ ଜଣ ମୃତ୍ୟୁ ବରଣ କରି ସାରିଲେଣି । ସେହିପରି ଓଡିଶାରେ କରୋନା ଆକ୍ରାନ୍ତରେ ୨ଟି ପଜିଟିଭ୍ କେସ୍ ଚିହ୍ନଟ କରାଯାଇଛି । ଏହାକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ କର୍ଫ୍ୟୁ ଲାଗୁ କରାଯାଇଛି । ଯେଉଁଥି ପାଇଁ ଗାଡି ଚଳାଚଳ ଠପ୍ ହୋଇଛି ।
