ଅନୁଗୁଳ(ଏଟିଆର ବ୍ୟୁରୋ): ଭୟାବହ ଅଗ୍ନିକାଣ୍ଡ । ଜଳି ପୋଡି ପାଉଁଶ ହୋଇଗଲା ୧୦ ବଖରା ଘର । ଏଭଳି ଏକ ଘଟଣା ଅନୁଗୁଳ ଜିଲ୍ଲା ପାଲଲହଡା ବ୍ଲକ ରଜଡଙ୍ଗ ଗାଁରେ ଘଟିଛି ।
ଏହି ଗାଁରେ ବିଦ୍ୟୁତ୍ ସର୍ଟ ସର୍କିଟ ଯୋଗୁଁ ନିଆଁ ଲାଗି ଯାଇଥିଲା । ନିଆଁ ଲାଗିଯିବାର ଦେଖି ଗାଁ ଲୋକେ ଦମକଳ ବାହିନୀକୁ ଖବର ଦେଇଥିଲେ । ଘଟଣାସ୍ଥଳରେ ଦମକଳ ବାହିନୀ ଟିମ୍ ପହଁଚି ନିଆଁକୁ ଆୟତ କରିଥିଲେ ।
ଅନ୍ୟପଟେ ଏହି ଘଟଣାର ଖବର ପାଇଁ ପାଲଲହଡା ବିଧାୟକ ମୁକେଶ କୁମାର ପାଲ , ତହସିଲଦାର ଏବଂ ବ୍ଲକ ଅଧ୍ୟକ୍ଷ ନବିଶୋର ନାୟକ ଘଟଣାସ୍ଥଳରେ ପହଁଚି କ୍ଷୟକ୍ଷତିର ଆକଳନ କରିବା ସହିତ ସରାକାରୀ ସହାୟତା ପାଇଁ ନିର୍ଦ୍ଦେଶ ଦେଇଥିଲେ ।
