କଟକ (ଏଟିଆର ବ୍ୟୁରୋ): କଟକରେ ଜାରି ରହିଛି ସଟ୍ ଡାଉନ୍ । ଆଜି ସଟ୍ ଡାଉନ୍ ର ଦ୍ୱିତୀୟ ଦିନ । ଏହି ସଟ୍ ଡାଉନକୁ ପୋଲିସ ପକ୍ଷରୁ କଡା କଡି କରାଯାଇ ଥିବା ବେଳେ କେଶରପୁର ଅଞ୍ଚଳରେ ପୋଲିସ ଉପରକୁ ଢେଲା ପଥର ମାଡ ହୋଇଛି । ସଟ୍ ଡାଉନ୍ ନିୟମ ଭାଙ୍ଗୁଥିବା କିଛି ବ୍ୟକ୍ତି ଏଭଳି କାଣ୍ଡ କରିଥିବା ଜାଣିବାକୁ ମିଳିଛି । ଢେଲାମାଡ ପରେ ପୋଲିସ ପକ୍ଷରୁ ଲାଠିଚାର୍ଜ କରାଯିବା ସହ ୧୫ ରୁ ଅଧିକ ଲୋକଙ୍କୁ ପୋଲିସ ଗିରଫ କରିଛି ।
ଏଭଳି ଘଡି ସନ୍ଧି ମୁହୂର୍ତ୍ତରେ ପୋଲିସକୁ ସହଯୋଗ କରିବା ପାଇଁ ବାରମ୍ବାର କୁହାଯାଉଥିବା ସତ୍ୱେ , କିଛି ଅମାନିଆ ବ୍ୟକ୍ତି ପୋଲିସ ଉପରେ ଢେଲାମାଡ କରି ବିଶୃଙ୍ଖଳା ସୃଷ୍ଟି କରିଛନ୍ତି । ଘଟଣା ସ୍ଥଳରେ ପୋଲିସ ମୁତୟନ ହେବା ସହ ଡିସିପି ସ୍ଥିତି ଅନୁଧ୍ୟାନ କରିଛନ୍ତି ।
