ମୁମ୍ବାଇ(ଏଟିଆର ବ୍ୟୁରୋ): ବଲିଉଡରେ କଳାକର ମାନଙ୍କର ସଂପର୍କିୟ ଏଣ୍ଟ୍ରି କରିବା କୌଣସି ନୂଆ କଥା ନୁହେଁ । ଠିକ୍ ସେହିଭଳି ଅଭିନେତ୍ରୀ କ୍ୟାଟ୍ରିନା କୈଫଙ୍କ ଭଉଣୀ ଈଶା ବେଲ ବଲିଉଡରେ ଡେବ୍ୟୁ କରିବେ ବୋଲି ଗତ କିଛି ଦିନ ହେବ ଶୁଣିବାକୁ ମିଳିଥିଲା । ମାତ୍ର ଈଶା ଆଜିକାଲି ଖୁବ୍ ଚର୍ଚ୍ଚାରେ ଅଛନ୍ତି ଏହାର କାରଣ ତାଙ୍କର କୌଣସି ଡେବ୍ୟୁ ନୁହେଁ ବରଂ ତାଙ୍କର ନୂତନ ଫଟୋସୁଟ୍ ।
ଈଶା ଏହି ଫଟୋସୁଟ୍ GQ ମ୍ୟାଗାଜିନ ପାଇଁ କରିଛନ୍ତି । ଏହି ଫଟୋରେ ଈଶା ହଟ୍ ଦେଖା ଯିବା ସହିତ କ୍ୟୁଟ ଲୁକରେ ନଜର ଆସିଛନ୍ତି ।
ସୂଚନା ଅନୁଯାୟୀ, ଈଶା ଖୁବ୍ ଶୀଘ୍ର ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ସେ ଫିଲ୍ମ ‘ଟାଇମ ଟୁ ଡ୍ୟାନ୍ସ’ ଜରିଆରେ ଡେବ୍ୟୁ କରିବେ । ଏହି ଫିଲ୍ମରେ ଈଶା ସୁରଜ ପଞ୍ଚୋଲିଙ୍କ ସହିତ ରୋମାନ୍ସ କରୁଥିବାର ନଜର ଆସିବେ । ଏହା ସହିତ ଏଥିରେ ଅନେକ ଅର୍ନ୍ତଜାତୀୟ ଡ୍ୟାନ୍ସ ଫର୍ମ ଦେଖିବାକୁ ମିଳିବ ।
ଏହି ଫିଲ୍ମ ପାଇଁ ଈଶାଙ୍କୁ ଖୁବ୍ ପରିଶ୍ରମ କରିବା ସହ ବିଭିନ୍ନ ପ୍ରକାରର ଡ୍ୟାନ୍ସ ମଧ୍ୟ ଶିଖିବାକୁ ପଡିଛି ।
