ମୁମ୍ବାଇ ( ଏଟିଆର ବ୍ୟୁରୋ): ପରଲୋକରେ ପ୍ରଖ୍ୟାତ୍ କଳାକାର ତଥା କମେଡିଆନ୍ ଜଗ୍ଦୀପ୍ । ୮୧ ବର୍ଷ ବୟସରେ ପରଲୋକ ହୋଇଛି ଜଗଦୀପ୍ଙ୍କର । ସୂଚନା ଅନୂଯାୟୀ ଦୀର୍ଘ ବର୍ଷ ଧରି ସେ ବିଭିନ୍ନ ରୋଗରେ ତଥା ଅନେକ୍ ସ୍ୱାସ୍ଥ୍ୟଗତ ସମସ୍ୟାରେ ପୀଡିତ ଥିଲେ ।
ସୋଲେର ଭୋପାଳି ଚଳଚ୍ଚିତ୍ରରୁ ଖ୍ୟାତି ଅର୍ଜନ କରିଥିବା ଏହି ପ୍ରଖ୍ୟାତ ଅଭିନେତା ୪୦୦ ରୁ ଉର୍ଦ୍ଧ ଚଳଚ୍ଚିତ୍ରରେ ଅଭିନୟ କରି ବେଶ ଲୋକପ୍ରିୟତା ସାଉଣ୍ଟି ଥିଲେ । ଅଭିନେତା ଜଗଦୀପଙ୍କ ପ୍ରକୃତ ନାମ ସଇଦ୍ ଇସ୍ତିଆକ ଅହମ୍ମଦ୍ ଜାଫ୍ରୀ , କିନ୍ତୁ ବଲିଉଡ୍ରେ ସେ ଜଗଦୀପ୍ ନାମରେ ବେଶ୍ ଜଣାଶୁଣା । ଜଗଦୀପଙ୍କ ଦେହାନ୍ତରେ ଏବେ ବଲିଉଡ ଜଗତରେ ଶୋକର ଛାୟା ଖେଳି ଯାଇଛି ।
ଏବେ ବଲିଉଡକୁ ଗୋଟିଏ ପରେ ଗୋଟିଏ ଝଟକା ମିଳିବାର ଲାଗିଛି । ନିକଟରେ ପ୍ରସିଦ୍ଧ କୋରିଓଗ୍ରାଫର ସରୋଜ ଖାନ୍ଙ୍କ ମୃତ୍ୟୁ ହୋଇଥିଲା । ସେହିପରି ଇରଫାନ୍ ଖାନ୍ , ରିଷି କପୁର, ବଲିଉଡର ଗୀତିକାର ୱାଜିଦ୍ ଖାନ୍ ତଥା ସୁଶାନ୍ତ ସିଂ ରାଜ୍ପୁତ୍ଙ୍କ ଦେହାନ୍ତ ଲୋକଙ୍କ ମନରୁ ନଲିଭୁଣୁ । ବର୍ତ୍ତମାନ ଜଗଦୀପଙ୍କ ମୃତ୍ୟୁ ବଲିଉଡ୍କୁ ସ୍ତବ୍ଧ କରିଦେଇଛି ।
