ମୟୁରଭଞ୍ଜ (ରାଜ୍ ଗୁପ୍ତା): ବାଙ୍ଗିରିପୋଷି ବନାଞ୍ଚଳ ଅନ୍ତର୍ଗତ ନୂଆଗାଁ ଦୁଧିଆଷୋଳ (ମାଝୀସାହି ) ଗ୍ରାମ ନିକଟରେ ଆଜି ଏକ ହରିଣ ଉଦ୍ଧାର ହୋଇଛି । ସିମିଳିପାଳ ଅଭୟାରଣ୍ୟ ର ବିଦୁଭଣ୍ଡାର ଅଞ୍ଚଳରୁ ଖସିଆସି ଉକ୍ତ ଗ୍ରାମ ନିକଟରେ ଏକ ଜାଲରେ ହରିଣଟି ଛଂଦି ହୋଇ ରହିଥିଲା ।
ଗ୍ରାମବାସୀ ଏହାଦେଖି ହରିଣ ଟିକୁ ଉଦ୍ଧାର କରିବା ପରେ ବନ ବିଭାଗକୁ ଖବର ଦେଇଥିଲେ । ଖବର ପାଇ ବାଙ୍ଗିରିପୋଷି ଭାରପ୍ରାପ୍ତ ବନାଞ୍ଚଳ ଅଧିକାରୀ ଶୈଳେନ୍ଦ୍ର ଦାସଙ୍କ ନିର୍ଦ୍ଦେଶ କ୍ରମେ ବନ ବିଭାଗ କର୍ମଚାରୀ ମାନେ ସେଠାରେ ପହଁଚିବା ପରେ ଗ୍ରାମବାସୀ ହରିଣ ଟିକୁ ତାଙ୍କୁ ହସ୍ତାନ୍ତର କରିଥିଲେ । ଉଦ୍ଧାର ପରେ ହରିଣ କୁ ସିମିଳିପାଳ ଅଭୟାରଣ୍ୟର ଚହଲା ଘଂଚ ଜଙ୍ଗଲରେ ଛାଡି ଦିଆଯାଇଥିବା ଜଣା ପଡିଛି ।
