ମୁମ୍ବାଇ(ଏଟିଆର ବ୍ୟୁରୋ): ଫିଲ୍ମ ‘ବାଗୀ-୨’ ରେ ବଲିଉଡ ଅଭିନେତ୍ରୀ ଦିଶା ପଟାନୀଙ୍କ ଅଭିନୟ ଦର୍ଶକଙ୍କ ଖୁବ୍ ପସନ୍ଦ ଆସିଥିଲା । ଏହି ଫିଲ୍ମ ବକ୍ସ ଅଫିସରେ ମଧ୍ୟ ଧମାଲ ମଚାଇଥିଲା । କିନ୍ତୁ ଏବେ ଲାଗୁଛି ଯେ ଏହି ଫିଲ୍ମର ସଫଳତା ହାସଲ କରିବା ପରେ ଦିଶାଙ୍କ ଭାଗ୍ୟ ଚମକି ଉଠିଛି । ଆଜ୍ଞା ହଁ, ବଲିଉଡ ସୁପରଷ୍ଟାର ସଲମାନ ଖାନଙ୍କ ଆଗାମୀ ଫିଲ୍ମ ‘ଭାରତ’ରେ ଦିଶା ପଟାନୀଙ୍କୁ ଅଭିନୟ କରିବାର ଅଫର ଆସିଛି । ଏହି ଫିଲ୍ମରେ ସଲମାନଙ୍କ ବିପରୀତରେ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କୁ ଦେଖିବାକୁ ପାଇବେ ଦର୍ଶକ ।
ନିକଟରେ ଫିଲ୍ମ ନିର୍ଦ୍ଦେଶକ ଅଲ୍ଲୀ ଅବାଜ ଜାଫର ତାଙ୍କ ଟ୍ୱିଟର ଆକାଉଣ୍ଟରେ ଦିଶାଙ୍କ ଏକ ଫଟୋ ପୋଷ୍ଟ କରିଛନ୍ତି । ତାହାସହିତ ସେ କ୍ୟାପସନରେ ଲେଖିଛନ୍ତି, ‘ଫିଲ୍ମ ‘ଭାରତ’ର ଯାତ୍ରାକୁ ଆପଣଙ୍କୁ ସ୍ୱାଗତ ଦିଶା ପଟାନୀ’ ।
Welcome @DishPatani to the journey of @Bharat_TheFilm 🙂 pic.twitter.com/tRsKPLuUOE
— Salman Khan (@BeingSalmanKhan) May 17, 2018
ସଲମାନଙ୍କ ସହିତ ନିର୍ଦ୍ଦେଶକ ଜାଫରଙ୍କ ଏହା ତୃତୀୟ ଫିଲ୍ମ । ଏହା ପୂର୍ବରୁ ଦୁଇଟି ସୁପରହିଟ୍ ଫିଲ୍ମ ଥିଲା ‘ସୁଲତାନ’ ଏବଂ ‘ଟାଇଗର ଜିନ୍ଦା ହୈ’ ।
୨୦୦୮ରେ ଫିଲ୍ମ ‘ଗଡ ତୁସୀ ଗ୍ରେଟ ହୋ’ରେ ପ୍ରିୟଙ୍କା ଏବଂ ସଲମାନଙ୍କ ଯୋଡିକୁ ଦେଖିବାକୁ ପାଇଥିଲେ ଦର୍ଶକ । ଏବେ ପୁଣି ଥରେ ଦୀର୍ଘ ୧୧ ବର୍ଷର ବ୍ୟବଧାନ ପରେ ଦୁଇ ଜଣ ଏକା ସାଥୀରେ ପରଦାରେ ନଜର ଆସିବେ ।
ଏହି ଫିଲ୍ମଟି ଦକ୍ଷିଣ କୋରିଆନ ଫିଲ୍ମ ‘ode to my father’ ର ରିମେକ୍ ଅଟେ । ଏହା ଆଗାମୀ ବର୍ଷ ଇଦ୍ ଅବସରରେ ରିଲିଜ୍ ହେବାକୁ ଯାଉଛି ।
