ନୂଆଦିଲ୍ଲୀ (ଏଟିଆର ବ୍ୟୁରୋ): କର୍ଣ୍ଣାଟକର ଚିତ୍ରଦୁର୍ଗରେ ଏକ ଘରୋଇ ବସରେ ନିଆଁ ଲାଗି ପାଞ୍ଚ ଜଣଙ୍କର ମୃତ୍ୟୁ ହୋଇଛି ଏବଂ ୨୭ ଜଣ ଆହତ ହୋଇଛନ୍ତି । ବସ୍ ଟି ବେଙ୍ଗାଲୁରୁ ରୁ ବିଜୟପୁରା ଯାଉଥିବା ବେଳେ ଚିତ୍ରଦୁର୍ଗ ହାଇୱେ ଉପରେ ଅଚାନକ୍ ବସ୍ ରେ ନିଆଁ ଲାଗି ଯାଇଛି । ବସ୍ ରେ ମୋଡ ୩୨ ଯାତ୍ରୀ ଯାତ୍ରା କରୁଥିବାର ସୂଚନା ରହିଛି ।
ଏହି ଦୁର୍ଘଟଣାରେ ଯେଉଁ ୫ ଜଣଙ୍କ ମୃତ୍ୟୁ ହୋଇଛି । ସେମାନଙ୍କ ମଧ୍ୟରୁ ଦୁଇ ଜଣ ଶିଶୁ ଏବଂ ଜଣେ ମହିଳା ରହିଛନ୍ତି । ଇଞ୍ଜିନ ସମସ୍ୟା ପାଇଁ ବସ୍ ରେ ନିଆଁ ଲାଗିଥିବା କୁହାଯାଉଛି । ସେପଟେ ଏହି ଦୁର୍ଘଟଣାରେ ଆହତ ହୋଇଥିବା ଯାତ୍ରୀଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି ।
