ଭୁବନେଶ୍ୱର (ଏଟିଆର ବ୍ୟୁରୋ): ମହାମାରୀ କରୋନା ପାଇଁ ଛାତ୍ରଛାତ୍ରୀଙ୍କର ଶିକ୍ଷା ବେଶ ପ୍ରଭାବିତ ହୋଇଛି । ଚଳିତ ବର୍ଷ କରୋନା ପାଇଁ ଛାତ୍ରଛାତ୍ରୀ ମାନେ ସ୍କୁଲକୁ ଯାଇ ପାରୁନଥିବା ବେଳେ ସେମାନଙ୍କୁ ଅନୁଲାଇନ ମରାଧ୍ୟରେ ଶିକ୍ଷା ପହଞ୍ଚାଇବା ପାଇଁ ରାଜ୍ୟ ସରକାର ଯୋଜନା କରୁଛନ୍ତି । ତେବେ ଏଥିର ଡେରିରେ ପାଠ ପଢ଼ା ଆରମ୍ଭ ହେଉଥିବାରୁ ଛାତ୍ରଛାତ୍ରୀଙ୍କର ସିଲାବସ କମାଇବା ପାଇଁ ସରକାର ଯୋଜନା କରୁଛନ୍ତି ।
ତେବେ ଆଜି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ସିଲାବନ କମିବା ସମ୍ପର୍କରେ ସୂଚନା ଦେଇ କହିଛନ୍ତି, ଏଇ ସପ୍ତାହରେ ସିଲାବସ ଉପରେ ନିଷ୍ପତ୍ତି ନିଆଯିବା ସହ ଛାତ୍ରଛାତ୍ରୀଙ୍କର ସମସ୍ତ ଦ୍ୱନ୍ଦକୁ ଦୂର କରାଯିବ । ଏହା ସହ ମନ୍ତ୍ରୀ ସୂଚନା ଦେଇଛନ୍ତି କି, ସିଲାନଓ କମିବା ସମ୍ପର୍କରେ ବିଭାଗୀୟ ସଚିବଙ୍କ ଦ୍ୱାରା ଯାଞ୍ଚ କରାଯାଉଛି ।
ଏନେଇ ବିଶେଷଜ୍ଞ କମିଟି ରିପୋଟ ଦେଇଛନ୍ତି । ମାତ୍ର କେତେ ପ୍ରତିଶତ ସିଲାବସ କମିବ ଏ ଯାଏ ନିଷ୍ପତ୍ତି ହୋଇ ନଥିବା ମନ୍ତ୍ରୀ ସମୀର ରଞ୍ଜନ ଦାଶ କହିଛନ୍ତି । ଅନ୍ୟପଟେ ସିବିଏସଇ ସିଲାବସ କାଟିବା ପରେ କିଛି ବିଷୟକୁ ନେଇ ଦ୍ବନ୍ଦ ଥିଲା । ତାହା ଯେପରି ନହେବ ତାହା ଉପରେ ନଜର ରଖାଯାଇଛି । ତେବେ କେତେ ପ୍ରତିଶତ ସିଲାବସ କମିବ ତାହା ସ୍କୁଲ କମିବା ପରେ ଯାହଇ ହିଁ ନିଷ୍ପତ୍ତି ନିଆଯିବ ।
