ନୂଆପଡା,(ଏଟିଆର ବ୍ୟୁରୋ): ପୁଣି ଠାବ ହେଲା ମାଓକ୍ୟାମ୍ପ । ସୁନାବେଡା ଅଭୟାରଣ୍ୟ ନିକଟ ଖୋଲିଭିତର ଗାଁ ଜଙ୍ଗଲରୁ ଏହି ମାଓ କ୍ୟାମ୍ପକୁ ଠାବ କରାଯାଇଛି । ସେଠାରୁ ୨ଟି ରାଇଫଲ, ଗୁଳି, ମାଓପୋଷ୍ଟର ଓ ବିଭିନ୍ନ ସାମଗ୍ରୀ ଜବତ କରାଯାଇଛି । ଏସଓଜି ଓ ଡିଭିଏଫର ମିଳିତ ଅପରେସନରେ ଏହି ସଫଳତା ହାସଲ ହୋଇଛି । ତେବେ ଏହାରି ଭିତରେ କିନ୍ତୁ ଘମାଘୋଟ ଲଢ଼େଇ ହୋଇଥିଲା ।
କମ୍ବିଂ ଅପରେସନ ସମୟରେ ଅଚାନକ ମାଓବାଦୀମାନେ ଗୁଳି ଚଳାଇଥିଲେ । ତେବେ ଏହାର ପାଲଟା ଜବାବ ମଧ୍ୟ ଦେଇଥିଲେ ଯବାନମାନେ । ଗୁଳିମାଡ଼ ପରେ ମାଓବାଦୀମାନେ ଛତ୍ରଭଙ୍ଗ ଦେଇଥିଲେ । ଏହି ଗୁଳିମାଡ଼ରେ ସ୍ଥାନୀୟ ଅଞ୍ଚଳର ୨ଜଣ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ଲାଗି ହସପିଟାଲରେ ଭର୍ତ୍ତି କରାଯାଇଛି ।
