ଫ୍ଲାଇଟ ଲେଫ୍ଟନାଣ୍ଟ ଶିବାଙ୍ଗୀ ସିଂହ ହେଲେ ଭାରତୀୟ ବାୟୁସେନାର ରାଫେଲ ସ୍କ୍ୱାଡ୍ରନର ପ୍ରଥମ ମହିଳା ପାଇଲଟ

ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରତୀୟ ବାୟୁସେନାର ରାଫେଲ ସ୍କ୍ୱାଡ୍ରନର ପ୍ରଥମ ମହିଳା ପାଇଲଟ ଭାବେ ସାମିଲ ହେବ ଫ୍ଲାଇଟ ଲେଫ୍ଟନାଣ୍ଟ ଶିବାଙ୍ଗୀ ସିଂହ । ସେ ବାୟୁସେନାର ରାଫେଲ ସ୍କ୍ୱାଡର ପ୍ରଥମ ମହିଳା ହେବାର ସୌଭାଗ୍ୟ ହାସିଲ କରିଛନ୍ତି । ସେ ଖୁବଶୀଘ୍ର କାର୍ଯ୍ୟରେ ଆନୁଷ୍ଠାନିକ ଭାବେ ଯୋଗ ଦେବେ । ଏବେ ତାଙ୍କର ବର୍ତ୍ତମାନ ତାଲିମ ଚାଲିଛି । ସେ ମିଗ-୨୧ ଓ୍ବାଇସନ ଉଡାଉଛନ୍ତି ।
ଏହା ପୂର୍ବରୁ ସେ ଓ୍ବିଙ୍ଗ କମାଣ୍ଡର ଅଭିନନ୍ଦନଙ୍କ ସହିତ ମିଗ ଉଡାଇସାରିଛନ୍ତି । ୨୦୧୬ରେ ଆଇଏଏଫରେ ପ୍ରଥମ ଥର ପାଇଁ ତିନିଜଣ ମହିଳା ପାଇଲଟଙ୍କୁ ସାମିଲ କରଯାଇଥିଲା। ଫ୍ଲାଇଟ ଲେପ୍ଟନାଣ୍ଟ ଅବନି ଚତୁର୍ବେଦୀ, ଭାବନା କଣ୍ଠ ଓ ମୋହନା ସିଂହଙ୍କୁ ଫାଇଟର ପାଇଲଟ୍ କମିଶନ ଦିଆଯାଇଥିଲା । ଏବେ ଆଇଏଏଫରେ ସମୁଦାୟ ୧୦ ଜଣ ମହିଳା ଫାଇଟର ଅଛନ୍ତି ।