ଭୁବନେଶ୍ୱର (ଏଟିଆର ବ୍ୟୁରୋ): ଲଘୁଚାପ ପ୍ରଭାବିତ ବର୍ଷା ହେବା ଫଳରେ ରାଜ୍ୟରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଯାହାଫଳରେ ବନ୍ୟାର ବଡଧରଣର କ୍ଷତି ହୋଇଛି । ଚଳିତ ବର୍ଷ ବନ୍ୟା ଫଳରେ ରାଜ୍ୟରେ ୨୮୩କୋଟି ନଦୀବନ୍ଧ ଧୋଇଯାଇଛି । ବନ୍ୟାରେ ୩୮ଟି ଘାଇ ସହ ୯୯୬ କିମି ନଦୀ ବନ୍ଧ ନଷ୍ଟ ହୋଇଛି । ଜଳ ସମ୍ପଦ ସଚିବଙ୍କୁ ବିଭାଗୀୟ ସର୍ବୋଚ୍ଚ ଯନ୍ତ୍ରୀ କ୍ଷୟକ୍ଷତି ସମ୍ପର୍କରେ ଚିଠି ଅବଗତ କରାଇଛନ୍ତି ।
ବନ୍ୟାରେ ନଦୀ ବନ୍ଧ ଓ କେନାଲ ନଷ୍ଟ ପାଇଁ ମୋଟ ୨୮୩ କୋଟି ଟଙ୍କା କ୍ଷତି ହୋଇଛି । ନଦୀ ବନ୍ଧ ସୁଦୃଢୀକରଣର ପାଇଁ ୬୪୮ କୋଟି ଆବଶ୍ୟକ ବୋଲି ଉକ୍ତ ଚିଠିରେ ଉଲ୍ଲେଖ କରାଯାଇଛି । ତେବେ ମୋଟ ୯୩୨ କୋଟିର ଅନୁଦାନ ପାଇଁ କେନ୍ଦ୍ର ସରକାରଙ୍କୁ ନିବେଦନ କରିବାକୁ ଉକ୍ତ ଚିଠିରେ ବିଭାଗୀୟ ସର୍ବୋଚ୍ଚ ଯନ୍ତ୍ରୀ ଅନୁରୋଧ କରିଛନ୍ତି । ସ୍ୱତନ୍ତ୍ର ରିଲିଫ କମିଶନରଙ୍କ ଜରିଆରେ କେନ୍ଦ୍ରକୁ ଏନେଇ ଅନୁରୋଧ କରାଯାଇଛି ।
