ଭୁବନେଶ୍ୱର(ଏଟିଆର ବ୍ୟୁରୋ);ବର୍ତ୍ତମାନ ରାଜ୍ୟରେ କରୋନା ସ୍ଥିତି ଅସମ୍ଭାଳ । କରୋନା ମହାମାରୀକୁ ଆଖି ଆଗରେ ରଖି ବିଧାନସଭା ଚାଲିଥିବା ବେଳେ ଗାନ୍ଧିମାର୍ଗରେ ବିକ୍ଷୋଭ କରିବା ମନା। କୋଭିଡ୍ ପାଇଁ ଲାଗୁ ହୋଇଥିବା ନିୟମ ଯୋଗୁଁ ଏହି ଅନୁମତି ଦିଆଯାଇ ନାହିଁ। ଏନେଇ ପୋଲିସ କମିଶନର ଫୋନ ଯୋଗେ ସୂଚନା ଦେଇଛନ୍ତି। ସେ କହିଛନ୍ତି, କୌଣସି ସଂଗଠନକୁ ଏନେଇ ଅନୁମତି ଦିଆଯାଇ ନାହିଁ। ବିଧାନସଭା ବେଳେ କୌଣସି ବିକ୍ଷୋଭ ଓ ରାଲି ନକରିବାକୁ ଅନୁରୋଧ।
ଆସନ୍ତା ୨୯ ତାରିଖରୁ ବିଧାନସଭାର ମୌସୁମୀ ଅଧିବେଶନ ବସିବ । ତା’ପୂର୍ବରୁ ୨୮ ତାରିଖ ଦିନ ବିଜେଡି ବିଧାୟକ ଦଳ ବୈଠକ ବସିବ। ଆସନ୍ତା ୨୯ ତାରିଖରୁ ଆରମ୍ଭ ହେବାକୁ ଥିବା ବିଧାନସଭା ମୌସୁମୀ ଅଧିବେଶନ ଅକ୍ଟୋବର ୭ ଯାଏଁ ଚାଲିବ। ବିଧାନସଭା ମୌସୁମୀ ଅଧିବେଶନ ପୂର୍ବରୁ ବିଧାନସଭା ପରିସରରେ କରାଯାଉଛି କରୋନା ଟେଷ୍ଟ । ମନ୍ତ୍ରୀ, ବିଧାୟକ, ବିଧାନସଭା କର୍ମଚାରୀ ଓ ସୁରକ୍ଷା କର୍ମଚାରୀଙ୍କ କରୋନା ଟେଷ୍ଟ ତିନି ଦିନ ଧରି ହେବ। ଏଥିପାଇଁ ୭ଟି ଟିମ୍ ଗଠନ କରାଯାଇଛି । କୋଭିଡ ଟେଷ୍ଟ ପାଇଁ ବିଏମସି ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ତେଣୁ ବିଧାନ ସଭା ଅଧିବେଶନ ହେବା ପୂର୍ବରୁ ସାମ୍ବାଦିକ ଓ ମନ୍ତ୍ରୀଙ୍କର କରୋନା ଟେଷ୍ଟ କରାଯିବ ।
